Ombudsman Ermənistanın Gəncəyə növbəti raket hücumu barədə bəyanat yaydı

Ombudsman Ermənistanın Gəncəyə növbəti raket hücumu barədə bəyanat yaydıAzərbaycan Respublikasının İnsan Hüquqları üzrə Müvəkkili (Ombudsman) Ermənistanın 17 oktyabr 2020-ci ildə Azərbaycanın Gəncə şəhərini növbəti dəfə raket atəşinə tutması nəticəsində baş vermiş insan tələfatı və dağıntılarla bağlı bəyanat yayıb.

Ombudsman Aparatından verilən məlumata görə, bəyanatda deyilir:

"İşğalçı Ermənistan Respublikası öz təcavüzkar siyasətini davam etdirərək Azərbaycan Respublikasının mülki əhalisinin sıx məskunlaşdığı yaşayış məntəqələrini mütəmadi olaraq məqsədli şəkildə qəsdən raket atəşinə tutur.

Bununla da BMT-nin Nizamnaməsini, beynəlxalq hüququn norma və prinsiplərini, o cümlədən, beynəlxalq humanitar hüquq normalarını, xüsusilə də də 1949-cu il tarixli Cenevrə Konvensiyaları və onların Əlavə Protokollarını, habelə 10 oktyabr 2020-ci ildə saat 12:00-dan etibarən elan edilmiş humanitar atəşkəs rejiminin tələblərini kobud şəkildə pozur.

Bir daha təəssüf hissi ilə bəyan edirik ki, sülh və insanlıq əleyhinə yönəlmiş müharibə və terror cinayətləri törətməkdə hələ də davam edən Ermənistan Respublikasının silahlı qüvvələri 2020-ci il oktyabrın 17-də gecə saat 01 radələrində cəbhə bölgəsindən 100 km uzaqda yerləşən, Azərbaycan Respublikasının ikinci böyük şəhəri, qədim tarixə malik olan, əhalinin sıx məskunlaşdığı Gəncənin mərkəzi hissələrini Ermənistan ərazisindən növbəti dəfə raket atəşinə tutub.

İlkin məlumatlara görə, üçü azyaşlı olmaqla, 13 nəfər mülki şəxs həlak olub, 52 nəfər yaralanıb, iki uşağın taleyi barədə məlumat yoxdur, çoxsaylı mülki infrastruktur obyektlərinə külli miqdarda ziyan dəyib. Dağıntılar altında qalmış şəxslərin xilas edilməsi işləri isə hələ də davam edir.

Bununla da BMT Təhlükəsizlik Şurasının Ermənistan silahlı qüvvələrinin Azərbaycanın işğal olunmuş ərazilərindən dərhal və qeyd-şərtsiz çıxarılmasını nəzərdə tutan 1993-cü il tarixli 822, 853, 874 və 884 saylı qətnamələrinin tələblərini yerinə yetirməyən işğalçı Ermənistan Respublikası törətdiyi hərbi təxribatlarla Azərbaycanın dinc əhalisini hədəfə alaraq növbəti dəfə müharibə cinayəti törədib.

Azərbaycanın mülki əhalisinin sıx məskunlaşdığı, cəbhə bölgəsindən uzaq məsafədə yerləşən Gəncə şəhərinin və regionun enerji təhlükəsizliyi üçün stateji əhəmiyyətli Mingəçevir şəhərinin, habelə digər yaşayış məntəqələrinin Ermənistan silahlı qüvvələri tərəfindən mütəmadi olaraq qəsdən raket atəşinə atəşinə tutulması monoetnik dövlət olan işğalçı Ermənistanın beynəlxalq hüququn tələblərini tanımadığını, ona saymazyana münasibət göstərdiyini bir daha sübut edir.

Halbuki beynəlxalq humanitar hüquq normaları, xüsusilə də Cenevrə Konvensiyaları hərbi əməliyyatların gedişində kombatantların və mülki şəxslərin, hərbi və mülki obyektlərin aydın şəkildə fərqləndirilməsini əsas prinsip kimi tələb edir.

Xüsusi raket sistemlərindən istifadə etməklə mülki əhalini hədəf seçən işğalçı Ermənistan dövləti insan hüquqları sahəsində beynəlxalq sənədlərin, 1949-cu il tarixli Cenevrə konvensiyaları və onların Əlavə protokollarının, xüsusilə Müharibə zamanı mülki əhalinin müdafiəsi haqqında 1949-cu il 12 avqust tarixli Konvensiyanın, "Silahlı münaqişə zamanı mədəni sərvətlərin mühafizəsi haqqında" 1954-cü il 14 may tarixli Haaqa Konvensiyasının, Uşaq hüquqları Konvesiyasının, "Beynəlxalq müqavilələr hüququ haqqında" 1969-cu il tarixli Vyana Konvensiyasının müddəalarını kobud şəkildə pozmaqla sülh və insanlıq əleyhinə yönəlmiş müharibə və terror cinayətlərini davam etdirir. Bu cinayətlər nüfuzlu beynəlxalq təşkilatlar və dünya dövlətləri tərəfindən pislənilməli və Ermənistana qarşı beynəlxalq hüququn norma və prinsipləri çərçivəsində ciddi tədbirlər görülməlidir.

Buna görə də təcili olaraq nüfuzlu beynəlxalq təşkilatları və dünya dövlətlərini ədalətli mövqe nümayiş etdirməklə susmamağa çağırır, işğalçılıq siyasətini davam etdirən Ermənistan Respublikasından sülh və insanlıq əleyhinə cinayətlər törətməklə Azərbaycan Respublikasının mülki əhalisinin həyat və sağlamlığına, mülkiyyətinə qəsd edilməsinə, beləliklə də insanların hüquq və azadlıqlarının kütləvi şəkildə pozulmasına səbəb olan müharibə və terror cinayətlərinə son qoymağı və beynəlxalq hüquqi məsuliyyət müəyyən edən imperativ xarakterli qətiyyətli qərarlar qəbul etməyi bir daha tələb edirik".


Sonxeber.az Telegramda izləyin
Siyasət   Baxılıb: 1432   Tarix: 17 oktyabr 2020  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR

Mehriban Əliyeva Ermənistanın Gəncə terrorundan yazdı

Azərbaycanın Birinci vitse-prezidenti Mehriban Əliyeva Ermənistanın Gəncə terroru ilə bağlı instaqram hesabında paylaşım edib.. . Sonxeber.az-ın xəbərinə görə, paylaşımda deyilir:. . "Nə dərəcədə insanlıqdan uzaq, yırtıcı olmalısan ki, şəhərin heç bir hərbi infrastrukturun olmadığı yaşayış məhəllələrin

17 oktyabr

Azərbaycan Rusiyaya nota verdi

Azərbaycanın Rusiyadakı səfirliyi Rusiya Federasiyası Federal Məclisi Dövlət Dumasının deputatı Vitali Milonovun Azərbaycanın beynəlxalq səviyyədə tanınmış sərhədlərini pozaraq işğal olunmuş Azərbaycan ərazilərinə qanunsuz səfəri ilə əlaqədar Rusiya Xarici İşlər Nazirliyinə etiraz notası göndərib..

17 oktyabr

Hikmət Mirzəyevə general-leytenant ali hərbi rütbəsi verildi

General-mayor Hikmət İzzət oğlu Mirzəyevə general-leytenant ali hərbi rütbəsi verilib.. . Sonxeber.az-ın xəbərinə görə, bununla bağlı Prezident İlham Əliyev sərəncam imzalayıb.. . Qeyd edək ki, Xüsusi Təyinatlı Qüvvələrin komandanı Hikmət Mirzəyev Azərbaycan torpaqlarının Ermənistanın işğalından aza

17 oktyabr

Amerikanın Erməni Milli Komitəsinin terror təşkilatı kimi tanınması üçün petisiya açıldı

Ağ Evin rəsmi saytında ABŞ-da fəaliyyət göstərən Amerikanın Erməni Milli Komitəsinin (ANCA) terrorçu təşkilat kimi tanınması üçün petisiya açılıb.. . Sonxeber.az "Report"a istinadən xəbər verir ki, petisiyada ANCA-nın əməliyyatlarına, fəaliyyətinə məhduddiyyət qoyulması ilə bağlı çağırış edilib.

17 oktyabr

Müdafiə Nazirliyi Gəncənin atəşə tutulması barədə məlumat yaydı

Ermənistanın silahlı qüvvələri Gəncə şəhərini növbəti dəfə atəşə tutub.. . Bu barədə Sonxeber.az Müdafiə Nazirliyinə istinadən xəbər verir.

17 oktyabr

Moldova mətbuatı Ermənistanın müharibə cinayətlərinə geniş yer ayırır

Moldova mətbuatı Ermənistanın müharibə cinayətləri, Prezident İlham Əliyevin xarici KİV-lərə müsahibəsi və işğaldan azad edilən ərazilərimizə dair açıqlamasına geniş yer ayırıb.. . AZƏRTAC xəbər verir ki, Moldovanın "Timpul.md", "NOİ.md", "AVA.md", 1news.md və digər informasiy

17 oktyabr

Türkiyə Milli Müdafiə Nazirliyi: Ermənistanın cinayət əməllərinə son qoyulmalıdır

Türkiyə Milli Müdafiə Nazirliyi "Twitter" hesabında paylaşım edib.. . AZƏRTAC Anadolu Agentliyinə istinadla xəbər verir ki, paylaşımda deyilir: "Ermənistanın apardığı müharibəni və insanlığa qarşı törətdiyi cinayətləri bütün dünyaya çatdırmaqdan geri çəkilməyəcəyik. Yaşayış obyektlərin

16 oktyabr

Bu Avropa ölkəsində çeklərin üzərinə "Qarabağ Azərbaycandır!" yazılır - FOTO

Soydaşlarımız Almaniyanın Münhen şəhərində Azərbaycana dəstəklərini kreativ formada bildiriblər.. . BiG.AZ xəbər verir ki, Bakı yəhudiləri restoranda verilən çeklərin üzərinə almanca "Qarabağ Azərbaycandır" yazaraq ermənilərlə savaşda səsimizi dünyaya bu yolla çatdırmağa çalışırlar.. . Sosia

16 oktyabr

Prezidentin xarici KİV-lərə müsahibələri Gürcüstan mətbuatının diqqət mərkəzindədir

Azərbaycan Prezidenti İlham Əliyevin xarici ölkələrin KİV-lərinə müsahibələri Gürcüstan mətbuatının diqqət mərkəzindədir.. . AZƏRTAC xəbər verir ki, report.ge, 24news.ge, pia.ge, news.ge, aktual.ge və daha bir neçə sayt Azərbaycan Prezidentinin Ermənistanın işğalçılıq siyasəti, region ölkələri üçün yaratdığ

16 oktyabr