Jan-Lük Reitzer Fransanın Qarabağ münaqişəsi ilə bağlı fəaliyyətini tənqid etdi

"Dağlıq Qarabağ münaqişəsinin həlli Azərbaycanın ərazü bötövlüyünün bərpasıdır".

Bunu "Report"un yerli bürosuna Fransa Milli Assambleyasının deputatı, Fransa-Azərbaycan parlamentlərarası dostluq qrupunun üzvü Jan-Lük Reitzer bildirib.

O, Dağlıq Qarabağ münaqişəsində hər zaman Azərbaycanı dəstəklədiyini deyib: "Çünki Azərbaycanın tələbləri beynəlxalq hüquq normalarına tam uyğundur. BMT-nin Təhlükəsizlik Şurasının qətnamələri Azərbaycanın haqlı olduğunu göstərir. Ümid edirəm ki, tezliklə Dağlıq Qarabağ münaqişəsi həll ediləcək və Azərbaycanın ərazi bütövlüyü bərpa ediləcək".

Jan-Lük Reitzer Fransanın ATƏT-in Minsk Qrupunun üzvü kimi zəif fəaliyyətinə görə təəssüfləndiyini vurğulayıb: "Mən fransalı deputat kimi istərdim ki, Fransanın öz üzərinə düşən rolu layiqincə oynaya bilsin və Dağlıq Qarabağ münaqişəsinin həllinə sülh yolu ilə nail olunsun. Dağlıq Qarabağ münaqişəsinin həlli Azərbaycanın ərazü bötüvlüyünün bərpa olunmasıdır".

Telegramda izləyin

instagramda izləyin