Maskalara görə cərimələrin miqdarı artırıla bilər-AÇIQLAMA

Azərbaycanda oktyabrın 21-də 584 nəfər koronavirusa yoluxub, 128 nəfər müalicə olunaraq sağalıb və evə buraxılıb. Bundan əlavə son sutkada 5 nəfər COVID-19-dan vəfat edib.Yoluxanların sayı artarsa karantin rejim sərtləşdirilə və maska taxmamamağa görə cərimələr qaldırıla bilərmi?

Bununla bağlı Soxeber.az-a danışan dosent Ədalət Rüstəm bildirib ki, karantin rejiminin sərtləşməsinə ehtiyac var:

"İnsanlarımızın başı müharibəyə qarışdığına görə virus yaddan çıxıb. Ona görə də düşünürəm ki, Azərbaycanda karantin rejiminin sərtləşməsinə ehtiyac var. Çünki insanlar qoyulan qaydalara əməl etmək istəmir. Yoluxanlar artarsa ölənlər də çoxala bilər. Bundan əlavə yoluxma sayının artması dövlət büdcəsinə mənfi təsir edir. Bu gün dövlət müharibə aparsın yoxsa yoluxanların müalicəsi ilə məşğul olsun. Neçə aydır ki, insanlarımıza deyilir ki, qaydalara əməl edin, maska taxın, sosial məsafəni qoruyun. İnsanların bu məsuliyyətsiz davranışı maskalara görə tətbiq edilən cərimələrin miqdarını da artıra bilər. Düşünürəm ki, dövlət tərəfindən buna gedilməli, maskalarla bağlı cərimələr artırılmalıdır".

Aysel Yusifqızı

Telegramda izləyin

instagramda izləyin