Ermənistanla danışığın mənası yoxdur, bu dövlətin mayası faşizmdən yoğrulub-DEPUTAT

Danışıqlar masasında əsas mövzu həmişə BMT Təhlükəsizlik Şurasının qətnamələrinə müvafiq olaraq Azərbaycanın işğal olunmuş ərazilərinin boşaldılması olub. Ermənistanın baş nazirinin "Qarabağ Ermənistandır", Azərbaycanın qondarma "Dağlıq Qarabağ hökuməti" ilə danışıqlar aparmalı olduğunu deməsi, dinc Gəncə şəhərinə ballistik raket zərbəsi vurmaq əmri verməsi, Azərbaycana hücumlar, danışıqları aparın aparılmasını mənasız edir.

Bununla bağlı Sonxeber.az-a danışan deputat Vüqar İskəndərov bildirib ki, Azərbaycan-Ermənistan Dağlıq Qrabağ münaqişəsi 30 ildir davam edir:

"Bu günə qədər Ermənistan status-kvonun saxlanılmasına çalışıb. ATƏT-in Minks Qrupu da söz də status-kvonun dəyişdirilməsinin lazım olduğunu söyləsə münaqişənin həlli istiqamətində də hər hansı bir müsbət addım atmayıblar. Ermənistan da hər zaman münaqişənin uzadılmasına çalışıb. Azərbaycan bu məsələdə hər zaman BMT Təhlükəsizlik Şurasının 4 qətaməsinin icra edilməsini gözləyib. Dəfələrlə beynəxalq tribunalarda, elə BMT-nin özündə bu qətnamələrin dərhal yerinə yetirilməsi məsələsini qaldırmışıq. Elə bir beynəlxalq tədbirlər yoxdur ki, Azərbaycan haqq səsini dünyaya çatdırmasın. Hətta bir neçə debatlarda Paşinyan dünyanın gözü qarşında aciz duruma düşüb. Bu gün Azərbaycan ordusu bu günə kimi icra edilməyən qətnamələri yerinə yertirir. Bu gün Ali Baş Komandanın rəhbərliyi ilə Azərbaycan ordusu ərazi bütövlüyümüz bərpa etmək hüququmuzdan istifadə edir".

Deputat vurğulayıb ki, 27 ildən çoxdur gözlədik ki, beynəlxalq hüquq işləyəcək, Ermənistan yerində otuzdurulacaq və dünya qanunlarında nizam-intizam yaradılacaq:

"ATƏT-in Minsk Qrupunun Azərbaycana etdiyi səfərlərdən birində hər hansı bir müsbət nəticənin olmasını gözlədik. Çox təssüf ki, bunların heç biri olmadı. Anladıq ki, hüquq güclünün tərəfindədir. Kim güclüdürsə hüquqludur məsələsi gündəmə gəldi. Biz artıq Ermənistanın sentyabrın 27-də törətdiyi genişmiqyaslı təxribata cavab olaraq əks hücuma keçdik və qarış-qarış torpaqlarımızı erməni vandalarından azad edirik. Dünyanın gözü önündə ermənilər yenə də Xocalıda və digər rayonlarımızda törətdiyi vəhşilikləri və soyqırımları həyata keçirirlər. Gəncədə bir neçə dəfə dinc əhali qadağan olunmuş raketlərlə vuruldu. Gəncədən başqa digər rayon və şəhərlər də ermənilər tərəfindən qadağan olunmuş ballistik raketlərlə atəşə tutulur. Bu da bir daha sübut edir ki, onlarla heç bir danışığın mənası yoxdur və bu dövlətin mayası terrorçuluqdan, işğalçılqdan və faşizm ideologiyasında yoğrulub.

Bu gün xalqımız Ali Baş Komandanın və ordumuzun yanındadır. Hər birimizin arzusu torpaqlarımızın düşmən tapdağından azad edilməsdir. Bizim haqlı missiyamıza dəstək olan və yanımızda olan ölkələr var. Biz inanırıq Azərbaycan ordusu bu şərəfli missiyanı uğurla davam etdirəcək və regiona düzən, sülh gətirəcək. Mütləq hüquq işləməli və belə işğal halları dayandırılmalıdır. Hər bir ölkə öz sərhədləri çərçivəsində azad və firəvan yaşamalıdır. Buna maneə olan qüvvələrə dünya birliyi yox deməli və qəbul olunan qətnamələr işləməlidir"

Aysel Yusifqızı

Telegramda izləyin

instagramda izləyin