Cənubi Qafqazın Türkiyəsiz gələcəyi yoxdur- POLİTOLOQ

Türkiyə indi təkcə Cənubi Qafqaz regionunda deyil, daha geniş coğrafiyada və dünyada mühüm rol oynayır.

Türkiyə Qafqazın 3 ölkəsi ilə sərhədi olan yeganə ölkədir və nizamlama prosesində fəal şəkildə iştirak etməlidir. Qeyd edilir ki, Türkiyənin prosesdə iştirakı sabitlik gətirəcək.

Bununla bağlı Sonxeber.az-a politoloq Qabil Hüseynov danışıb:

"Türkiyə son vaxtlar dünyanın 10 inkişaf etmiş ölkələri sırasına daxil olmaq üçün mübarizə aparır. Bu mübarizənin lap yaxınlığındadır. Türkiyə öz regionunun super gücüdür. Yəni, Yaxın Şərqin super gücü olan Türkiyə həmçinin NATO üzvü kimi dünyada gedən proseslərə sabitləşdirici təsir göstərir.

Türkiyə bütün ölkələrdə sabitləşdirici, tarazlayıcı təsir göstərməkdədir. Suriyada Türkiyənin köməyi çox böyük rol oynaya bilərdi. Təəssüflər olsun ki, Rusiya Türkiyənin öz missiyasını axıradək yerinə yetirməyə imkan vermədi.

Türkiyə öz sərhədləri üçün yarana biləcək təhlükəni dəf etdi, özündən uzaqlaşdırdı. İndi də Suriyanın gələcəyi uğrunda mübarizədə tərəflərdən biridir. Danışıqlar stolu arxasında möhkəm möqeyi var.

Cənubi Qafqazın Türkiyəsiz gələcəyi yoxdur. Belə hesab edirəm ki, Türkiyə Qafqazın gələcəyində, eləcə də Azərbycan- Ermənistan münasibətlərinin tənzimlənməsində önəmli rol oynamalıdır".

Şəlalə Babayeva

Telegramda izləyin

instagramda izləyin