Paşinyan nəinki dinc əhalinin, hətta körpə uşaqların ölümünə göstəriş vermiş biridir- DEPUTAT

Ermənistanın baş naziri N.Paşinyan zorakılığa və dinc əhaliyə qarşı hərbi cinayətlərin törədilməsinə görə şəxsən məsuliyyət daşıyır.

Bununla bağlı Sonxeber.az-a danışan deputat Müşfiq Cəfərov bildirib ki, Ermənistan hakimiyyəti nəinki, bu gün elə münaqişənin ilk günlərindən öz xalqını Azərbaycana qarşı terrora, zorakılığa cəlb edib:

"Bu gün bütün cinayətlərin məsuliyyəti düşmən dövlətin iqtidarının üzərinə düşür. Nikol Paşinyan nəinki dinc əhalinin, hətta körpə uşaqların da ölümünə göstəriş vermiş biridir. Ermənistanın müxtəlif dövrlərdə hakimiyyətdə olmuş siyasi elitaları hər zaman Azərbaycan xalqına qarşı etnik təmizləmə siyasəti həyata keçirib. Hələ1990-cı ilin may ayında Ermənistanda keçirilən parlament seçkilərində mahiyyət etibarilə Ermənistanda müharibəni təbliğ edən ifrat millətçi və şovinist qüvvələr hakimiyyətə yiyələniblər. Bu isə onların təcavüzkar müharibəyə başlanması prosesini daha da sürətləndirib.

Yerevan bütün səylərini qeyri-rəsmi hərbi birləşmələrin yaradılmasına və onların silahlandırılmasına yönəldib. Ona görə də danışıqlar prosesinə heç vaxt ciddi yanaşmayıb və danışıqlardan yalnız beynəlxalq ictimai rəydə görüntü yaratmaq məqsədi üçün yararlanıb".

Deputat vurğulayıb ki, 2018 ci il Ermənistan üçün demokratik qüvvələrin hakimiyyətə gəlişi gözlənilirdi:

"Həmin ərəfədə xalqı aldadaraq hakimiyyətə gələn Nikol Paşinyan öz sələflərindən heç də fərqlənmədi. O, dinc vətəndaşlarımıza qarşı terror həyata keçirtdi. Paşinyan hakimiyyəti ənənəvi erməni iqtidarının yolunu davam etdirdi. O, nəinki öz xalqını, hətta regionun da ümidlərini puç etdi. Hazırda Paşinyan hakimiyyəti regionun sabitliyini, iqtisadi- siyasi inkişafını ləngidir".

Aysel Yusifqızı

Telegramda izləyin

instagramda izləyin