ATƏT-in Minsk Qrupunun tamamilə fəaliyyətsizliyinin şahidi olduq-RƏY
ATƏT MQ həmsədrlərinin özlərinin də tərəfdar çıxdığı BMT TŞ məlum qətnamələrinin icrası istiqamətində 30 il müddətində heç bir nəticəyə nail ola bilməməsi, hazırkı dövrdə mandatlarına uyğun olaraq onların bitərəf qalmasının və Ermənistanın məğlub durumda olduğu bir vəziyyətdə bu ölkəyə təzyiqin gücləndirilməsinin zəruriliyi kontekstində inkişaf etdirilməlidir.
Bu barədə Sonxeber.az-a millət vəkili Kamilə Əliyeva açıqlama verib:
"1994-cü ildə atəşkəs elan olunduqdan sonra ATƏT-in Minsk Qrupu yaradıldı. Bu minsk qrupu əslində münqaişənin həll olunmasında vasitəçi rolunu oyanamaq üçün təşkil olunmuşdu. ATƏT-in Minsk Qrupunun həmsədrləri heç bir tərəfin mənafeyini güdməməlidir. Burada ancaq tərəfdaşlıq və münaqişənin həll olunması üçün hansısa yollar axtarıb tapmalı idilər.
Ancaq əfsuslar olsun ki, biz bu illər ərzində ATƏT-in Minsk Qrupunun tamamilə fəaliyyətsizliyinin şahidi olduq. ATƏT-in Minsk Qrupunun 3 həmsədrləri nəinki bu münaqişənin həll olunmasına cəhd göstərdilər, hətta hansısa bir tərəfin mövqeyini tutmağa başladılar. Ermənistana tam dəstək ifadə etməklə Fransanın timsalında biz bunun şahidi olduq.
Ali Baş Komandan da gördü ki, ATƏT-in Minsk Qrupu həmin keçən bu müddət ərzində öz misyasını yerinə yetirmədi. Ona görə də Ali Baş Komandanımızın rəhbərləyi ilə Azərbaycan xalqı BMT-nin 4 qətnaməsinin yerinə yetirilməsinə özü başladı. Hazırda da bu proses uğurla davam edir.
Bu gün Amerikada Xarici İşlər nazirlərinin Bakı vaxtı ilə saat 6-da baş tutacaq görüşündən ciddi bir yenilik gözləmirəm. Çünki həmsədr ölkə kimi Amerika bu vaxta qədər ATƏT-in Minsk Qrupunun həmsədri idi və o tərəfdən də məsələnin həll olunması üçün ciddi bir addım atılmamışdır".
Aysel Səmədli
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş