Ermənistan vaxtında qoşunlarını torpaqlarımızdan çıxarsa, xeyrinə olar- DEPUTAT

Ölkə prezidentinin qeyd etdiyi kimi, Ermənistan- Azərbaycan münaqişəsində əvvəlki status-kvo artıq mövcud deyil, təmas xətti yoxdur. İndi Ermənistan rəhbərliyinin daha məntiqli davranmalı və işğal edilmiş ərazilərin boşaldılmasına sadiq olması sözügedən ölkənin xeyrinə olardı.

Mövzu ilə bağlı Sonxeber.az-a millət vəkili Fazil Mustafa danışıb:

"Ermənistan işğal etdiyi Azərbaycan ərzilərini nə qədər tez boşaltsa, bir o qədər də öz xeyrinədir. Bu birinci növbədə düşmənçiliyin qarşısını almış olar. Çünki ermənilər elə bir cinayət törədiblər ki, bu vəziyyəti dəyişmək mümkün deyil.

Buna baxmayaraq, bütün hallarda çalışmalıyıq ki, işimizi görək. Vaxtında qoşunlarını torpaqlarlarımızdan çıxarsa, dinc əhalinin orada yaşaması üçün variantları asanlaşdırsa, yalnız həmin ölkənin xeyrinə olar.

Əks halda ermənilər sonradan daha çox itkiyə məruz qalacaq. Biz də istımirik ki, münaqişəni müharibə yolu ilə həll edək. Dinc yolla məsələ həll olunsa, itkiləri əvvəlkindən daha az olar".

Şəlalə Babayeva

Telegramda izləyin

instagramda izləyin