"Ermənilər yaxın həftələrdə Ali Baş Komandanın istənilən şərti ilə razılaşmağa məcbur ediləcək"
Ermənistan azad edilmiş əraziləri yenidən geri götürmək istəyir, Azərbaycanın dinc əhalisinə qarşı hərbi cinayətlər törədir, şəhərləri balistik raketlərlə atəşə tutur.
Bununla bağlı Sonxeber.az-a danışan deputat Bəhruz Məhərrəmov bildirib ki, artıq müharibə Ermənistan üçün sonuncu fazadadır, düşmənin bütün üsul və vasitələrə əl ataraq rüsvayçı məğlubiyyətdən xilas olmaq üçün yollar axtarması normaldır:
"Mülki insanlara və mülki obyektlərə hücum, hərbi zərurət olmadan dağıntıların törədilməsi, ciddi və lüzumsuz dağıntılara səbəb olan üsul və vasitələrindən istifadə edilməsi, daxili auditoriyaya hesablanmış yalançı təbliğat Paşinyan üçün son çarədir. Ermənistan hərbi və siyasi təxribat törətməklə arxa cəbhədə təşviş yaratmaq, eləcə də ön cəbhədəki əsgərlərdə ruh düşkünlüyünə səbəb olmaq niyyəti güdür. Lakin şahidsiniz ki, bütün bunlar əbəs cəhdlərdir, hər bir erməni vəhşiliyi qat-qat artıqlaması ilə cavabını alır. Biz ermənilər kimi yalnız "nəyisə etdik" deyib keçmirik, bizim bütün xəbərlərimizin arxasında videoxronika dayanır, sadə azərbaycanlı, ordusunun düşməni necə məhv etdiyini, şəhid valideyni oğlunun qisasının necə alındığını gözü ilə görür. Əlbəttə, bunu eyni zamanda ermənilər də görür və təsadüfi deyil ki, artıq Rusiya KİV-ləri Qarabağda əməliyyatlardan öncə yaşayan insanların 4/5-nün qaçdığını yazır. Hətta Ermənistanın özündən köç başlayıb və nəticədə Ermənistan hökuməti ölkədən çıxışla bağlı yeni qaydalar qəbul etməyə məcbur olub. Ermənistanın təbliğat materiallarına gəlincə, bu, Ermənistanda daxili auditoriyaya, eləcə də Paşinyanın hakimiyyətinin ömrünün uzadılmasına, biznesin və varidatının xaricə daşınması üçün vaxt udmağa hesablanıb.
Əlbəttə, biz günü bu gün də sülhə sadiqik, bölgədə stabillik dinclik, sülh arzulayırıq, lakin hansı sülh? Söhbət yalnız bizim diqtə edəcəyimiz, Ermənistanın təlimçiliyini rəsmiləşdirən, Azərbaycanın ərazi bütövlüyünü, habelə Zəngəzur, Göyçə və İrəvandakı soydaşlarımıza münasibətdə tarixi ədalətin tam bərpa edilməsini nəzərdə tutan sülhdən gedir. Ermənistan əgər mövcudiyyətini qorumaq istəyirsə, ən qısa zamanda saxtakar və sabun köpüyünə bənzər təbliğatını dayandıraraq xalqa həqiqəti açıqlamlı və Azərbaycandan aman diləməlidir. Bu praqmatik yanaşma olar, əks halda, onsuz da haylar yaxın həftələrdə Azərbaycanın Ali Baş Komandanının istənilən şərti ilə razılaşmağa məcbur ediləcək".
Aysel Yusifqızı
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş