Uzun illər ayağımız dəyməyən torpaqlarımız iqtisadiyyatımızı gücləndirəcək- DEPUTAT
Ermənistan faktiki olaraq Azərbaycana qarşı ekoloji terror törədib. Ermənilər Tərtər çayının qabağını bağlayırdılar və beləliklə, yüz minlərlə hektar torpaq su ilə təchiz olunmurdu.
Onlar yayda, insanların ehtiyacı olanda suyu bağlayır, qışda açırdılar, bu isə daşqına səbəb olurdu. İndi həmin ərazilər kənd təsərrüfatımızın inkişafına yeni təkan verəcək.
Azərbaycan ərazilərin azad edilməsi ilə əlaqədar kənd təsərrüfatının gələcək inkişafını artıq planlaşdırmağa başlayıb.
Bununla bağlı Sonxeber.az-a deputat Azər Badamov danışıb:
"30 il erməni işğalı altında olmuş ərazilərimiz kənd təsərrüfatı üçün yararlı, məhsuldar torpaqlardır. Təxmini hesablamalara görə işğal altındakı torpaqların kənd təərrüfatı potensialı ümumi respublika kənd təssərüfatı potensialının 8%-ə qədəridir. Bu torpaqlarda heyvandarçılıq, bağçılıq, taxılçılıq, tütünçülük və digər sahələri üzrə böyük nəticələr əldə etmək mümkündür. Təkcə heyvandarçılıq üzrə təxmini hesablamalara görə burada əldə edə biləcək potensial ümumi ölkə üzrə ölkədə tələbatını ödəmək məqsədilə idxal olunan ət və süd məhsullarının həcmindən 2 dəfəyə qədər çoxdur. Beləliklə deyə bilərəm ki, torpaqlarımız işğaldan azad olunandan sonra bu ərazilərdə aqrar sahəni inkişaf etdirməklə ölkədə kənd təsərrüfatı məhsullarına olan tələbatı tam ödəmək və ixrac potensialımızı artırmaq mümkündür.
Bundan əlavə bu ərazilər dağlıq olduğundan faydalı qazıntılarla da zəngindir və işğaldan azad olunandan sonra buralarda müasir sənaye kompleksləri yaradılacaqdır. Dağlıq Qarabağ və onun ətrafındakı 7 rayonun bu illərdə işğal altında qalması ölkəmizi ekoloji terrorla qarşılaşdırmışdır. Aran Qarabağın əsas su mənbələri Dağlıq Qarabağda formalaşdığından bu illər ərzində bu ərazilərdə suvarılma su problemini həll edilməsi üçün milyonlarla dövlət büdcəsindən vəsaitlər ayrılaraq subartezian qoyuları qazılaraq istismar olunurdu.
İndi artıq Suqovuşan su anbarı və Xudafərin su anbarları işğaldan azad olunmuş, Sərsəng su anbarı da yaxın günlərdə azad olunacaqdır. Bu su anbarların su tutumuna diqqət yetirsək görərik ki, Suqovuşan su anbar 5,8 milyon kub metr, Sərsəng su anbarı 590 milyon kubmetr, Xudafərin su anbarının tutumu daha da çoxdur. Soqvuşan və Sərsəng su anbarları 14 rayonun 98 min hektar, Xudafərin su anbarı isə 252 min hektar kənd təsərrüfatı təyinatlı torpaqların suvarılmasına hesablanmışdı. Həm də bu su anbarları üzərində kiçik hidroelektrik stansiyaları işə salmaqla ölkədə istehlak olunan elektrik enerji tələbatının əhəmiyyətli hissəsini istehsal etmək imkanına malikdir. Bu illər Suqovuşan və Sərsəng su anbarları işğala məruz qaldığından mənfur düşmənimiz anbardakı suyu qış qylarında boşaldaraq torpaqlarımızı selə, yaz və yay aylarında suyun qabağını kəsərək susuzluğa məruz saxlayırdı. Suqovuşan su anbarın işğaldan azad olunması Tərtər çayına yenidən həyat verildi və anbardan lazımı normada su axıdılaraq Tərtər, Yevlax və Bərdənin suvarılma su problemini təbii yolla həyata keçiriləcəkdir. Torpaqlarımızın işğaldan azad olunması prosesinə təəssüf ki, müharibə yolu ilə həyata keçirilməsinə məcbur olub şəhid veririk. Torpaq uğrunda ölən varsa vətəndir. Vətənimizin hər qarışı isə cənnətdir. Torpaqlarımızın işğalçılardan təmizlənəndən sonra ölkəmizdə inkişafın yeni mərhələsi başlanacaqdır. Uzun illər ayağımız dəymədiyi torpaqlarımız canlanacaq və ölkə iqtisadiyyatının güclənməsinə öz töhfəsini verəcəkdir".
Şəlalə Babayeva
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş