Vətən mövzusunda siyasi partiyalar BİRLİK nümayiş etdirirlər- Fazil Mustafa

Azərbaycanda siyasi partiyaların mütləq əksəriyyəti işğal olunmuş ərazilərin qaytarılması ilə bağlı yürüdülən siyasəti tam dəstəkləyirlər.

Dünya ictimiyyətinin gözü önündə bir çox inkişaf etmiş ölklərdə nümayişlərin necə dağıdıldığını, insanların mitinqlərdə necə öldürüldüyünü, yaralandığını, xəsarət aldıqlarını görürük. Azərbaycanda bunların heç biri yoxdur.

Ölkə Vətən torpaqlarının azad olunması istiqamətində eyni nöqtəyə vurur.

Mövzu ilə bağlı Sonxeber.az -a deputat Fazil Mustafa danışıb:

"Düşmənə qarşı əks-hücum hərbi əməliyyatları başlayandan, hətta ondan əvvəl Tovuz hadisələrində də Azərbaycandakı siyasi partiyalar vahid mövqe nümayiş etdiriblər və bu ənənə davam edir. Məncə bu xalqımızın, insanlarımızın zənginliyidir. Çünki əvvəllər bu proses başqa cür gedirdi. İndi isə ölkə prezidenti cənab İlham Əliyevin apardığı daxili və xarici siyasət, eyni zamanda ordumuzun qalibiyyəti,uğurları, xalq-dövlət biriliyini daha da möhkəmləndirir. Eyni zamanda siyasi partiyalar da birlik olub dövlətin yürütdüyü siyasəti dəstəkləyiblər və konstruktiv dialoq mühitinə müsbət yanaşıblar. Ona görə də qazanan əsasən Azərbaycan siyasəti oldu. Dövlət siyasətinin aktiv fəaliyyəti partiyaların fəaliyyətini yenidən canlandırdı. Mən bu məsələyə müsbət tendensiya kimi baxıram. Düşünürəm ki bu davamlı olmalıdır və yəqin ki, bundan sonra da olacaq".

Şəlalə Babayeva

Telegramda izləyin

instagramda izləyin