Ermənistan ordusunun əsas hərbi kontingenti ordumuz tərəfindən darmadağın edilib-EKSPERT

Ermənistanın münaqişəyə muzdluları cəlb etməsi faktı sirr deyil. Ermənistanın baş naziri də bunu etiraf edib.
Döyüş meydanında zərərsizləşdirilənlər arasında Livan, Kanada pasportu olan insanlar var. Əldə olunan dəlillər təsdiq edir ki, Fransa, ABŞ, keçmiş sovet, Yaxın Şərq ölkələrinin vətəndaşları hərbi əməliyyatlarda iştirak edirlər.

Bununla bağlı Sonxeber.az-a hərbi ekspert Ramil Məmmədli açıqlama verib:

"Birinci Qarabağ müharibəsində, həm də indi Ermənistanın muzdlu döyüşçülərdən istifadə etməsi heç kimə sirr deyil. Hələ müharibə başlamamışdan əvvəl, yəni sentyabr ayının 27-dən Ermənistan mətbuatının özündə də buna bənzər informasiyalar yayılmışdı. Azərbaycan höküməti də bu məsələ ilə bağlı öz etirazını bildirmişdi. İndi isə açıq şəkildə Ermənistan dövləti xaricdə yaşayan ermənilərə gəlib döyüşmək çağrışı edir. Təbii ki, bu sadəcə ermənilərə edilən çağırış deyil. Döyüş meydanında muzdlu döyüşçülərin olmağına dair də faktlar var. O cümlədən, ötən gün əsir götürülən Ermənistan ordusunun hərbiçilərinin arasında terrorçu PKK təşkilatının üzvü olan şəxslər də var idi. Onlar ifadələrində də bildirdilər ki, pul müqabilində Ermənistan tərəfində döyüşdə iştirak edirlər.
Əslində, bu Ermənistan ordusunun canlı qüvvəsi ilə bağlı problemin olmasından həmçinin öz ordusunun döyüş bacarığının olmamasından irəli gəlir.

Müharibənin ilk günlərində Ermənistan ordusunun əsas hərbi kontingenti ordumuz tərəfindən darmadağın edildi. Bu halda isə onların döyüşə bilən hərbiçiləri ilə bağlı problemləri yarandı. Xüsusi təyinatlı qüvvələri belə Qarabağda böyük itkilərə məruz qaldı.

Hazırda Ermənistan bütün vasitələrdən istifadə edərək muzdluları Qarabağa yığaraq Azərbaycana qarşı döyüşə təhrik edirlər. Bildiyiniz kimi Ermənistan iqtisadi cəhətdən güclü dövlət deyil. Bəllidir ki muzdluların pulları erməni diasporları tərəfindən ödənir".

Aysel Səmədli

Telegramda izləyin

instagramda izləyin