"Smerç" yaylım atəşli reaktiv sistemi 3 hektara qədər yeri və orada olan canlı qüvvəni məhv edə bilir-AÇIQLAMA

Xəbər verdiyimiz kimi humanitar atəşkəs rejimini kobud şəkildə pozan Ermənistan silahlı qüvvələri növbəti dəfə Bərdə şəhərini "Smerç" yaylım atəşli reaktiv sistemindən atəşə tutub.Nəticədə 21 nəfər həlak olub, 60-dan artıq şəxs isə yaralanıb.

Bununla bağlı Sonxeber.az-a danışan ehtiyatda olan polkovnik Şair Ramaldanov bildirib ki, "Smerç" yaylım atəşli reaktiv sisteminin 12 tuşlayıcısı var:

"Yəni onun tuşlayıcısına 12 raket yerləşdirilir. Onun məsafəsi 70 kilometrə qədərdir. Onlar kaset raket başlığı da daşıyır. Onun istifadəsi qadağadır. Ermənilər yaşayış məntəqələri üçün bundan tez-tez istifadə edirlər. Azərbaycan Hava Hücumundan Müdafiə Qoşunlarımız onun qarşısını ala bilir. Ancaq çox sayda atılanda onun qarşısını almaq olmur. Yəni ola bilsin ki, bir neçəsi Hava Hücumundan Müdafiə Sistemindən yayına bilər.

"Smerç" yaylım atəşli reaktiv sistemi 3 hektara qədər yeri və orada olan canlı qüvvəni məhv edə bilər. Ermənistan rəhbərliyi qəbul olunan konvesiyalara və insani əxlaq normalarına zidd olaraq humanitar atəşkəsi pozaraq mülki əhalini hədəf seçir.Təbii ki, ermənilərin cavabı Azərbaycan ordusu tərəfindən döyüş meydanında veriləcək".

Aysel Yusifqızı

Telegramda izləyin

instagramda izləyin