Polietilen torbalar və plastik stəkanların satışı qadağan ediləcək

Polietilen torbalar və plastik stəkanların satışı qadağan ediləcəkBu gün Milli Məclisin Təbii ehtiyatlar, energetika və ekologiya komitəsinin növbəti iclası keçirilib.

Sonxeber.az "Report"a istinadən xəbər verir ki, iclası açan komitə sədri Sadiq Qurbanov tədbir iştirakçılarını torpaqlarımızın işğaldan azad edilməsi münasibəti ilə təbrik edib.

O bildirib ki, sentyabrın 27-dən başlayan 44 günlük müharibə tamamilə fərqli şəkildə aparılsa da, bütün sahələrdə Prezidentimiz, Ordumuz və xalqımız zəfər çalıb. Sadiq Qurbanov Prezident, Ali Baş Komandan İlham Əliyev başda olmaqla Müzəffər ordumuzun bütün şəxsi heyətinə komitə üzvləri adından dərin təşəkkürünü bildirib. Müharibədə şəhid olan əsgər və zabitlərin, həlak olan mülki vətəndaşların xatirəsi bir dəqiqəlik sükutla yad edilib.

Sonra komitə sədri bugünkü iclasın gündəliyinə iki məsələnin daxil edildiyini deyib və "Ətraf mühitin mühafizəsi haqqında" qanun layihəsinə (birinci oxunuş) təklif edilən dəyişikliklər barədə ətraflı məlumat verib. Qeyd olunub ki, layihə ölkə Prezidentinin 2019-cu il 7 fevral tarixli "Azərbaycanda plastik qablaşdırma tullantılarının ətraf mühitə təsirinin azaldılmasına dair 2019-2020-ci illər üçün Tədbirlər Planı"na əsasən hazırlanıb. Sadiq Qurbanov plastik tullantıların uzun müddət parçalanmamasının, təbiətdə miqdarının ilbəil artmasının, yandırılan zaman toksiki tüstünün asmosferi zəhərləməsinin ətraf mühitə mənfi təsirləri barədə danışıb. Bildirilib ki, qalınlığı az olan plastik torbalar çürüməyə qarşı davamlı olduğu üçün təbiətin çirklənməsində daha böyük rol oynayır. Sənədə təklif olunan dəyişiklikdə qalınlığı 15 mikrona qədər olan polietilen torbaların, habelə birdəfəlik istifadə üçün nəzərdə tutulan plastik qarışdırıcı çubuq, çəngəl, bıçaq, boşqab və stəkanların sahibkarlar tərəfindən idxalı, istehsalı, ticarət, ictimai iaşə və xidmət obyektlərində istehlakçıya satılması və verilməsi ilə bağlı məhdudiyyətləri nəzərdə tutur. Qeyd edilib ki, qanun layihəsinin polietilen torbalara münasibətdə 2021-ci il yanvarın 1-dən, digər birdəfəlik istifadə üçün nəzərdə tutulan məhsullara münasibətdə isə 2021-ci il iyulun 1-dən qüvvəyə minməsi təklif edilib.

İclasda İnzibati Xətalar Məcəlləsinə dəyişiklik edilməsi barədə qanun layihəsi də birinci oxunuşda müzakirə edilib. Sadiq Qurbanov qeyd edib ki, sənəd uyğunlaşdırma xarakteri daşıyır. Təklif olunan dəyişikliklər "Ətraf mühitin mühafizəsi haqqında" qanun layihəsinə edilən dəyişikliklərə əsasən qalınlığı 15 mikrona qədər olan polietilen torbaların, habelə birdəfəlik istifadə üçün nəzərdə tutulan plastik qarışdırıcı çubuq, çəngəl, bıçaq, boşqab və stəkanların sahibkarlar tərəfindən idxalı, istehsalı, ticarət, ictimai iaşə və xidmət obyektlərində istehlakçıya satılması və verilməsi ilə bağlı müddəaların pozulmasına görə inzibati məsuliyyət hallarını özündə ehtiva edir.

Komitə üzvləri Asim Mollazadə, Nəsib Məhəməliyev, Fatma Yıldırım, İltizam Yusifov uzun illər işğal altında qalan və hazırda boşaldılması prosesi həyata keçirilən torpaqlarımızda erməni vandalları tərəfindən törədilən vəhşilikdən, təbiətə və ətraf mühitə vurulan zərərdən, meşə və bitki örtüyünün, heyvanat aləminin qəddarlıqla məhv edilməsindən söz açıblar, müzakirə edilən sənədlərin ətraf mühitin mühafizəsində mühüm rol oynayacağını bildiriblər.

Sonda hər iki qanun layihəsinin Milli Məclisin plenar iclasının müzakirəsinə tövsiyə edilməsi qərara alınıb.


Sonxeber.az Telegramda izləyin instagramda izləyin
İqtisadiyyat   Baxılıb: 2861   Tarix: 17 noyabr 2020  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti


DİGƏR MARAQLI XƏBƏRLƏR

Türkiyə ilə Azərbaycan arasında memorandum imzalandı

Ölkəmizdə səfərdə olan Türkiyə Respublikası Səhiyyə Nazirliyinin nümayəndə heyəti ilə TƏBİB arasında qarşılıqlı çoxistiqamətli əməkdaşlıq çərçivəsində müzakirələr aparılıb.. . Sonxeber.az bildirir ki, TƏBİB-dən Trend-ə verilən məlumata görə, görüş zamanı Türkiyə Respublikası hökuməti ilə Azərbaycan Respublikas

17 noyabr

TAP-ın kommersiya istismarı başlayıb

Azərbaycan qazının Avropaya nəqlini nəzərdə tutan Trans-Adriatik boru kəmərinin (TAP) kommersiya istismarı başlayıb.. . Sonxeber.az bildirir ki, Trend bu barədə TAP AG konsorsiumuna istinadən məlumat verir.. . Qeyd edək ki, dəyəri 4,5 milyard avro olan TAP "Cənub Qaz Dəhlizi" layihəsinin tərki

15 noyabr

Asiyada dünyanın ən böyük sərbəst ticarət zonası quruldu

Asiyada Çin, Avstraliya, Yaponiya və Asiya-Sakit okean regionunun digər 12 ölkəsi dünyanın ən böyük sərbəst ticarət zonasını yaradıb.. . "Reuters" xəbər verir ki, saziş Cənub-Şərqi Asiya Millətləri Assosiasiyasının (ASEAN) onlayn sammiti çərçivəsində Çin və Yaponiya daxil olmaqla, Asiya-Saki

15 noyabr

SOCAR Qarabağ müharibəsində şəhid və əlil olmuş əməkdaşlarının ailələrinə yardımlar edəcək

Azərbaycan Dövlət Neft Şirkəti (SOCAR) İkinci Qarabağ müharibəsində şəhid olmuş əməkdaşlarının ailələrinə minimum əmək haqqının 40 misli həcmində yardımlar veriləcək.. . Bu barədə "Report"a SOCAR-dan məlumat verilib.. . Bildirilib ki, müharibədə əlil olmuş işçilərə isə SOCAR üzrə minimum əmə

13 noyabr

SOCAR prezidenti Qələbə münasibətilə şirkətin rəhbər heyəti ilə onlayn görüş keçirib

Bu gün Azərbaycan Dövlət Neft Şirkətinin (SOCAR) prezidenti Rövnəq Abdullayev şirkətin rəhbər heyəti, idarə və müəssisə rəhbərləri ilə Azərbaycanın böyük Qələbəsi münasibətilə onlayn görüş keçirib.. . "Report"un SOCAR-a istinadən verdiyi məlumata görə, görüş iştirakçılarını Vətən müharibəsind

10 noyabr

Azərbaycanın iqtisadi reytinqi sabit saxlanılıb

Azərbaycanın reytinqləri BB+ səviyyəsində saxlanılıb.. . Bu barədə "RAEX Europe" reytinq agentliyi məlumat verib.. . Agentliyin Azərbaycanla bağlı iqtisadi reytinqində bildirilib ki, hazırda Azərbaycan Respublikası Dövlət Neft Fondunun (ARDNF) gəlirləri ölkədəki maliyyə vəziyyətini sabit saxlamağ

7 noyabr

"SOCAR Trading" ilin treyderi elan edilib

Azərbaycan Dövlət Neft Şirkətinin (SOCAR) törəməsi olan "SOCAR Trading" şirkətinin mayeləşdirilmiş neft qaz (LPG) bölməsi üzrə rəhbəri Floran Şevrier (Florent Chevrier) "Argus LPG Awards of Excellence 2020" versiyası üzrə ilin treyderi elan edilib.. . "Report"un məlumatın

5 noyabr

Baş nazirdən qərar: "Hökumət buludu"na keçid planı" təsdiq edilib

Nazirlər Kabineti "Dövlət informasiya sistemlərinin və ehtiyatlarının "Hökumət buludu"na Keçid Planı"nı təsdiq edib.. . Azərbaycan Respublikasının Nəqliyyat, Rabitə və Yüksək Texnologiyalar Nazirliyinə, "Hökumət buludu"nun Milli Data Mərkəzinin, o cümlədən "bulud"

1 noyabr

Ombudsman Ermənistanın müharibəyə uşaqları cəlb etməsinə münasibət bildirib

Ermənistan Azərbaycana qarşı müharibədə uşaqlardan istifadə edir. Bu, tamamilə qəbuledilməzdir. Azərbaycan torpaqlarının işğalına son qoymaq, ordusunu Azərbaycandan çıxarmaq, beynəlxalq hüquqa riayət etmək əvəzinə Ermənistan uşaqları işə cəlb edir və beynəlxalq humanitar hüququn prinsiplərini pozur.

26 oktyabr