Azərbaycanda 65 yaşdan yuxarı insanların çölə çıxmasına qadağan qoyulur? -AÇIQLAMA

Noyabrın 20-da Azərbaycanda rekord yoluxma qeydə alınıb. Belə ki, 3169 nəfər koronavirusa yoluxub, 26 nəfər isə vəfat edib. Qeyd edək ki, noyabrın 21-i saat 00:00-dan dekabrın 28-nə kimi ölkə ərazisində həftə sonları karantin rejimi sərtləşdirilib, kafe, restoranlar, geyim mağazaları, gözəlik salonları və bərbərbərxanaların fəaliyyəti dayandırılıb. 65 yaşdan yuxarı insanların çölə çıxmaması isə töfsiyə olunub. Yoluxma sayı artarsa 65 yaşdan yuxarı insanların çölə çıxmasına rəsmi qadağa qoyula bilərmi?

Bununla bağlı Sonxeber.az-a danışan professor Adil Qeybulla bildirib ki, qadağaların effekti barəsində danışmaq çox tezdir.

"Əlbəttə müsbət təsiri olacaq. Amma 2 həftə müddətində gözləmək lazımdır. Ümumiyyətli qapalı məkanlarda karantin qaydalarını gözləmək çox vacibdir. Biz deməkdən yorulmuşuq ki, qapalı yerlərdə maska taxın, sosial məsafəni gözləyin, əlləri tez-tez dezinfeksiya edin.
Artıq açıq havada da maska məcburi oldu. Bu neçə vaxtda insanlarımız niyə karantin qaydalarına əməl etmir? Gərək hər şey bizdə məcburi və ya cərimə ilə tətdbiq edilsin? Qələbə yürüşlərində də yoluxma sayı artdı. Yürüşlər zamanı Operativ Qərargahın nümayəndələri insanların maska taxmasına, sosial məsafəni qorumasına nəzarət etməli idi. Bunu heç deyən olmadı.

İnsanlar da ciddi karantin qaydalarını pozaraq sevinclərini yaşadılar. Amma nəticədə göz önündədir. Əmin olun ki, bu rəqəmlər reallığı əks etdirmir. Yoluxma sayı bundan qatbaqat çoxdur. Elə insanlarımız var ki, xəstə olsalar da qeydiyyatdan keçmir, evdə müalicə olunurlar. Onları da hesablayanda böyük rəqəmlər ortaya çıxır".

Adil Qeybulla vurğulayıb ki, 65 yaşdan yuxarı insanlar risk qrupuna daxilidir:

"Əslində koronavirus elə bir virusdur ki, o yaşa baxmır. Əgər koronavirusa yoluxan insanların digər xəstəlikləri varsa ölümcül ola bilir. Amma daha çox risk faktoru 65 yaşdan yuxarı insanlarda daha çoxdur. Ona görə də onların insanlarla əlqaqəsinin minumuma edirmək müəyyən qdağaların tədbiq edilməsi mümkünüdür".

Aysel Yusifqızı

Telegramda izləyin

instagramda izləyin