Nazir koronavirus xəstəsinin görüntülərini PAYLAŞDI- VİDEO

Koronavirus hadisələri və ölüm sayında sürətli artım davam edərkən, tez-tez xəbərdarlıq edən Türkiyənin Səhiyyə naziri Fahrettin Koca reanimasiya xidmətindən gözyaşardıcı görüntüləri paylaşıb.

Sonxeber.az Türkiyə mediasına istinadən xəbər verir ki, nazir "Bu gün köhnə normal həyatımızı özümüzdən uzaqlaşdırmasaq, sabah sevdiklərimizlə aramızda heç vaxt bağlanmayacaq məsafələrə girə bilər" deyərək xəbərdarlıq edib.

Səhiyyə naziri "Twitter" hesabında paylaşdığı koronavirus (Kovid-19) müalicəsi alan səhiyyə işçisinin görüntüsü ilə bağlı tədbirlərə riayət etmək üçün çağırış edib.

Nazir Kocanın paylaşdığı videoda tənəffüs dəstəyi alan xəstə "İnsanların sevdiklərinə qovuşmasını istədim. Bununcün ürəklə çalışdım. İndi yaxınlarımla görüşmək üçün günlər hesablayıram. Qızımın böyüməsini görmək istəyirəm" deyib.

Qeyd edək ki, 20 noyabrda Türkiyədə viruslu xəstələrin sayı 5103-ə çatıb. Ümumi xəstələrin sayı 435 min 273- dir. 141 nəfərin ölümü ilə ümumi ölüm sayı 12 min 84-ə yüksəlib.

Şelalə Babayeva

Telegramda izləyin

instagramda izləyin