"Bu qələbə Azərbaycan ordusunun cəbhədə qazandığı möhtəşəm zəfərdir!" - "BİG Group"un rəhbəri Emil Əkbərov

"Bu gün Azərbaycan böyük sevinc içərisindədir. Təbii ki, hamı kimi, mən də çox sevincliyəm. Rəşadətli ordumuz Ali Baş Komandan, cənab İlham Əliyevin rəhbərliyi ilə xalqımızın 30 illik həsrətinə son qoyaraq işğal altında olan torpaqlarımızı azad edib. Bu qələbə Azərbaycan ordusunun cəbhədə qazandığı möhtəşəm tarixi zəfərdir!"

Sonxeber.az xəbər verir ki, bu sözləri BiG.AZ-a "BİG Group"un rəhbəri Emil Əkbərov deyib.

O, qeyd edib ki, Azərbaycan öz problemini təkbaşına həll edərək hərbi gücünü və diplomatik imkanlarını bütün dünyaya göstərdi:

"44 günlük Vətən müharibəsi Ermənistanın məğlubiyyəti və bizim şanlı qələbəmizlə nəticələndi. Döyüş meydanında məğlub olan işğalçı Ermənistan Azərbaycanın şərtlərini qəbul edərək üçtərəfli bəyanatı imzalamalı oldu.
Biz döyüş meydanında parlaq qələbə qazanaraq siyasi meydanda da istəyimizə nail ola bildik. Ermənistanın uğursuz və işğalçı ölkə olduğunu bir daha sübut etdik. Ermənistan döyüş meydanında məğlub olaraq bütün dünya qarşısında rəzil oldu.
Haqq yolunda vuruşan Azərbaycan Ordusu müstəqilliyin qorunması üçün üzərinə düşən missiyanı mükəmməl şəkildə yerinə yetirən, güclü bir ordudur".

Emil Əkbərov türk qardaşlarımızın da dəstəyini yüksək qiymətləndirib:

"Türkiyənin bu prosesdə ilk gündən Azərbaycana siyasi və mənəvi dəstək verməsi, bütün zəruri yardımı göstərməyə hazır olduğunu diqqətə çatdırması Azərbaycan-Türkiyə qardaşlıq münasibətlərinin necə ali dəyərlərə malik olduğunu bir daha sübut etdi. İnanıram ki, tarixdə çətin və sevincli günlərdə bir-birinin yanında olan dövlətlərimiz və xalqlarımız bunu sonsuzadək davam etdirəcəklər".

Sonda "Big Group" rəhbəri bu sözləri əlavə edib:

"Əldə edilən qələbə təkcə Azərbaycan Silahlı Qüvvələrinin, Azərbaycan əsgərinin deyil, bütün Azərbaycan XALQININ möhtəşəm zəfəridir!
Müzəffər Ordumuzun erməni işğalçıları üzərində şanlı qələbəsi Ali Baş Komandanın ətrafında xalqın dəmir yumruq kimi sıx birləşməsi, əhalidə olan yüksək vətənpərvərlik ruhu, güclü iqtisadiyyat və qüdrətli ordu quruculuğu nəticəsində əldə olundu.

Bu gün bütün dünya heyrətlə Azərbaycan Ordusunun 44 gündə apardığı parlaq əks-hücum əməliyyatlarından danışır.

Cənab Prezidentin vurğuladığı kimi, Azərbaycan ordusu erməniləri torpaqlarımızdan "iti qovan kimi qovdu"! Bu gün Ali Baş Komandanımızın rəhbərliyi ilə düşmənə və onun havadarlarına tarixi dərs verərək Dağlıq Qarabağın əsl sahibinin AZƏRBAYCAN olduğunu dünyaya xatırlatdıq. Biz tarix yazırıq, YENİ tarix. Xalqımızın, ölkəmizin yeni şanlı tarixini yazırıq! Bu, ZƏFƏR tarixidir!"

Telegramda izləyin

instagramda izləyin