Ürəyində qəlpə daşıyan qazimiz "BİG Group" la GÖRÜNTÜLÜ DANIŞDI - VİDEO

Ürəyində qəlpə daşıyan əsgərimizin anası Vüsalə Şükürova Sonxeber.az-a danışıb:

"Mən Elçinlə həmişə fəxr etmişəm. Ayağımda problem var deyə, işləyə bilməmişəm. Elçin 12 yaşından mənə, ailəmizə kömək etmək üçün və evimizə çörəkpulu gətirmək üçün çoban kimi və çayxanada işləyib. Yaxşı dönərçidir, əla dönər hazırlayır.

Üç övladım var, Elçin ailədə ən böyük uşaqdır. Onu hamamsız, mətbəxsiz evdə böyütmüşəm. Dəmir vaqon elə bir şeydir ki, yarım dəqiqə "peç"ə baxmadın dəmir soyuyur, buza dönür. Mən uşaqlarımı elə yerdə böyütmüşəm...Onlarla fəxr edirəm.

Elçinin başına bütün Qəbələ and içir. Mən oğlumla fəxr edirəm.

Ayın 30-u müayinələrinə gedəcəyik. Elçin indi çox əsəbidir, hər yeri vurub sındırır. O, müharibədən gələndən sonra bircə onu deyir ki, "Şükür Allaha ki, torpaqlarımız alındı, mən özümlə fəxr edirəm".

Qeyd edək ki, Elçin "Big Group" la canlı bağlantı yaradaraq kollektivimizə salam göndərib.

Sözügedən videonu təqdim edirik:

Telegramda izləyin

instagramda izləyin