ÇƏNƏSİ olmayan QAZİMİZ DANIŞDI: "Yaralandım, bura qədərmiş dedim..."-FOTO

Qazimiz Xəyal Qurbanov Vətən müharibəsində başına gələnləri izləyicilərlə bölüşüb.

Sonxeber.az paylaşımı olduğu kimi təqdim edir:

"Yaralandım, bura qədərmiş dedim, neytralda deyildim, artıq onlar tərəfdə idim.

Kəlimeyi-şəhadət gətirdim, "Allahu Əkbər" dedim, elə bil mənə güc gəldi. Qalxdım ayağa, çənəmi hiss eləmirdim, gizildəyirdi nəsə, dəri sallanırdı, nəfəs ala bilmirdim, qalxdım yeriyə- yeriyə neytrala tərəf getdim.

Əvvəl gizlənə-gizlənə gedirdik, yaralanandan sonra sanki vecimə deyildi. Minamyot yağırdı, yeriyirdim yenə. 1 km filan gəldim, yolun yarısında, qanaxmam çox idi deyə gözlərim qaraldı, özümü sağ tərəf üstə yerə yıxdım, biraz dincəldim sonra yenə qalxdım. Hamı canının hayında idi, çənəm də yox idi, ümumiyyətlə, məni görən qorxurdu.

Biraz da yeridim bir nəfər kəmərimdən tutub kömək elədi. Kəndə qədər yeridim, təxminən 3-4 km-dən sonra sanitarka gəldi.
Morfi vurdular, məni apardılar Naftalana, orda ilk yardım göstərdilər, oradan Yevlaxa, Yevlaxdan da gecə ilə Bakıya yolladılar.
Bakıda deyiblər ki, bir əsgər gəlir, çənəsi yoxdu, heç kim inanmayıb.
Həkim deyirdi ki, gələndə həqiqətən çənən yoxdu, həm də ilk tibbi yardımı kim eləmişdisə sag olsun, böyük iş görüb, o qurtarıb həyatını.

4 dəfə əməliyyat oldum, birində 12 saat, digərlərində isə 4, 7 saat çəkdi.

Reanimasiyada olanda 4-5 dəfə ürəyim dayanıb, birini hiss elədim, nəfəs ala bilmirdim, aparat cingildədi, işarə elədim, həkimlər töküldülər, ürəyim yerindən çıxırdı az qala. Bir neçə saat sonra ayıldım.

Allah mənə 2 dəfə həyat bəxş etdi, bilmirəm atama, anama, kimə görə etdi, nəyə görə etdi, amma olan budur ki, etdi, mənə 2 dəfə həyat bəxş eledi. Öldürməyəndə Allah öldürmür. Şükür bu günə yaxşıyam, inşAllah daha da yaxşı olacam".

Şəlalə Babayeva

Telegramda izləyin

instagramda izləyin