Atası Şuşada, həyat yoldaşı Daşaltıda şəhid oldu - FOTO

Atası Şuşada, həyat yoldaşı Daşaltıda şəhid oldu - FOTO"Həmişə cibində bir güllə saxlayırdı. Deyirdi, zabit öz şərəfini əldən verməmək üçün sonuncu gülləsini özünə vurar"

Vətən müharibəsində şəhid olan döyüşçülərimizdən biri mayor Anar Məmmədovdur. O, Tərtər, Füzuli, Hadrut, Xocavəndin Tuğ, Şuşanın Daşaltı kəndləri istiqamətində gedən döyüşlərdə iştirak edib, qəhrəmancasına vuruşaraq şəhidlik zirvəsinə yüksəlib.

Azvision.az-ın əməkdaşı şəhidin həyat yoldaşı Nəzirə Məmmədova ilə söhbətləşərək onun həyat yoluna işıq salmağa çalışıb:
"Anar 1986-cı ildə Sabirabadda anadan olub. Ailənin ilk övladı idi. Orta məktəbin 8-ci sinfində Cəmşid Naxçıvanski adına Hərbi Liseyə daxil olub. Oranı bitirdikdən sonra Heydər Əliyev adına Ali Hərbi Məktəbdə təhsil alıb. 2003- cü ildən Silahlı Qüvvələrin Təlim və Tədris Mərkəzində işə başlayıb, 2008-ci ildə Goranboya döyüş bölgəsinə gedib. Elə həmin il biz ailə qurmuşuq. Mən Mingəçevirdə qalırdım, o, Goranboyda işləyirdi. Daha sonra 2009- cu ilin əvvəlində Tərtərdə ön xətdə xidmət edib. Biz 4 il Tərtərin erməni ilə həmsərhəd kəndində olduq. Şəraitsizliyə baxmayaraq, mən onunla bərabər döyüş yolunu keçdim, orada qaldım.

Tərtərdə olanda bir neçə dəfə əməliyyatlarda iştirak etdi. Onu elə səngərdə mükafatlandırdılar. 2014-cü ildə təyinatla Bakıya göndərdilər. Heydər Əliyev adına Ali Hərbi Məktəbdə dərs dedi. Orada 3 il işləyəndən sonra Beyləqana təyinatı verildi. Anar hara gedirdisə, mən də onunla bərabər gedirdim. Orada il yarım qaldıqdan sonra Füzuliyə göndərdilər. Heydər Əliyev adına Ali Hərbi Məktəbi bitirəndə rütbəsi leytenant idi. Bu illər ərzində baş leytenant, kapitan, daha sonra mayor oldu. Həm də vəzifələri yüksəldi. Əvvəl tağım komandiri idi. Sonra bölük komandiri, MTO, daha sonra qərargah rəisi, sonuncu döyüşündə isə artıq tabor komandiri olmuşdu. Həmişə səngərlərdə idi. Həyatının cəmi 3 ili Bakıda olub. O, ikinci Qarabağ savaşına qərargah rəisi kimi qatılmışdı. Döyüş əsnasında tabor komandiri qoydular. Müharibənin ilk günlərində yaralanmışdı. Amma heç kəsin bundan xəbəri yox idi. Bu barədə mənə də deməmişdi. Həkimlər xəstəxanada ona bildirib ki, yaran təzədir, bir müddət qalmalısan. Deyib yox, mən balalarımı, əsgərlərimi tək qoya bilmərəm. Beləcə döyüşlərə davam edib".

Şəhidin xanımı həyat yoldaşının sonuncu dəfə evə əsgərlərinə dərman apardığı zaman gəldiyini söyləyib:

"Oktyabrın 16-da bir neçə saatlıq evə gəldi. Şirniyyatlar, yeməklər bişirdim. Onları maşına yığdı ki, əsgərlərə aparıram. Mənim atam da birinci Qarabağ müharibəsində Şuşada şəhid olub. Sonuncu görüşümüz zamanı ona dedim ki, mən atasız həyat yaşamışam, amma qızlarım yaşamasın. O isə bir kəlmə ilə cavab verdi: "Sən bacararsan. Mən sənə güvənirəm".

Oktyabrın 18-nə qədər bizim telefon danışığımız oldu. Zarafatcıl idi. Deyirdi, ermənilərin hamısını biçə-biçə gedirəm. Ondan sonra Anardan xəbər ala bilmədim. Sən demə, oktyabrın 20-də şəhid olub. Daşaltı əməliyyatında öz dəstəsi ilə axıra qədər vuruşub. Silahdaşlarının hamısı şəhid olub. Anar tək qalıb. Üstündəki bütün silahlardan istifadə edib, hər şey bitəndən sonra düşmən əlinə düşməmək üçün sonuncu gülləsi ilə özünü şəhid edib.

Mən hər dəfə onun formasını yuyanda cibindən bir güllə çıxırdı. Sual verirdim ki, bu nə deməkdir, mən qorxuram. Deyirdi, o zabit şərəfidir. Zabit öz şərəfini əldən verməmək üçün sonuncu gülləsini özünə vurar. Ondan xəbər çıxmayanda qardaşlarım əsir düşdüyünü fikirləşdilər. Dedim, Anar özünü öldürər, amma əsir düşməz.

Anar Tərtər, Füzuli, Hadrut, Tuğ, Daşaltı istiqamətində döyüşüb. Füzulinin azad olunmasında böyük əməyi olub. Döyüş yoldaşları da təsdiqləyir ki, Anarın verdiyi istiqamətlər, qurduğu əməliyyat planları çox böyük nəticələr verib. Xüsusən Rüzgar kəndinin azad olunmasında böyük səy göstərib.

Mübariz İbrahimovla çox yaxın dost idi. O, rəhmətə gedəndə çox sarsılmışdı. Polad Həşimov Anar haqında "sən mənim səngərdə böyüyən zabitimsən" deyirdi. Anar Qarabağı çox sevirdi. Hamı mənə sual verirdi ki, sən hərbçi ilə ailə qurmaqdan qorxmursan? Dedim, yox, atam özü deyirdi ki, kişinin "paqon"u olar.

İki qız övladımız var. Kiçik qızım 4 yaşındadır, heç nə başa düşmür. Amma böyük qızımın 11 yaşı var, onu başa saldım ki, atan şəhid olub. Qızım mənə dedi ki, ağlama, şəhidlər üçün ağlamazlar.

Atam üçün də elə demişdim, yoldaşım üçün də elə deyirəm: Vətən sağ olsun. Onun başqa cür öləcəyini gözləmirdim, Anar ancaq şəhid ola bilərdi".
Atası Şuşada, həyat yoldaşı Daşaltıda şəhid oldu - FOTOAtası Şuşada, həyat yoldaşı Daşaltıda şəhid oldu - FOTOAtası Şuşada, həyat yoldaşı Daşaltıda şəhid oldu - FOTO


Sonxeber.az Telegramda izləyin instagramda izləyin
Müharibə   Baxılıb: 2167   Tarix: 07 dekabr 2020  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti


DİGƏR MARAQLI XƏBƏRLƏR

Biləsuvarda şəhid gizir dəfn edildi - FOTO

Biləsuvar rayonunda şəhid gizir 1994-cü il təvəllüdlü Əlizadə Tahir Qəribəli oğlu dəfn edilib.. . Sonxeber.az-ın "Report"a istinadən məlumatına görə, bir ay əvvəl ağır yaralan gizir həkimlərin səyinə baxmayaraq bu gün xəstəxanada vəfat edib.. . Şəhid bu gün şəhər qəbiristanlığında torpağa tapşırılıb.

6 dekabr 2020

Şuşa uğrunda şəhid olan baş leytenant - FOTO

Daxili İşlər Nazirliyinin (DİN) Daxili Qoşunlarının baş leytenantı Mustafayev Təhmasib Sərməst oğlu Vətən Müharibəsində şəhid olub.. . Nazirlikdən verilən məlumata görə, 31 yaşlı T.Mustafayev Cəbrayıl rayonunda doğulub.. . O, noyabrın 7-ində Şuşa istiqamətində gedən döyüşlərdə şəhid olub. Subay idi.

6 dekabr 2020

Son və şərəfli döyüş - Şəhid mayor

Azərbaycan Ordusunun 44 günə zəfərlə bitirdiyi Vətən müharibəsində qəhrəmancasına şəhid olan igidlərimizdən biri də Səyavuş Kəlbalıyevdir.. . Sonxeber.az "Report"a istinadən xəbər verir ki, Səyavuş Kəlbalıyev 16 oktyabr 1987-ci ildə Cabrayıl rayonunun Horovlu kəndində anadan olub.. . 1993-c

6 dekabr 2020

Əsgərlərimiz ermənilərin gizləndiyi məkanı tapdı - VİDEO

Əsgərlərimiz ermənilərin yerin altında düzəltdikləri sığınacağı aşkarlayıb.. . Sonxeber.az xəbər verir ki, sığınacağın həddindən artıq möhkəm betondan hazırlanması hər kəsi şoka salıb. Buna baxmayaraq Azərbaycan əsgəri həmin sığınacağı darmadağın etməyə nail olub. /Ölkə.az. . . [/youtube]

6 dekabr 2020

Vətən müharibəsinin danışan ŞƏKİLLƏRİ

İşğalçı Ermənistanla apardığımız 44 günlük Vətən Müharibəsində üçtərəfli bəyanatla atəşkəs razılaşması imzalandı... Rəşadətli Azərbaycan Ordusu bu müddətdə imkansız olanı etdi. İllərdir düşmən tapdağı altında qalan Cəbrayıl, Füzuli, Zəngilan, Qubadlı, Şuşa, Ağdam, Kəlbəcər, Laçın, Xocavənd rayonunu

6 dekabr 2020

Yaralı komandirini mühasirədən xilas edən şəhid haqda - FOTO

Aprel döyüşlərində yaralı komandirini mühasirədən xilas etmişdir. Onun bu kimi başqa igidlikləri çox idi. Lakin heç vaxt özü haqda danışmağı sevməzdi.. . Sonxeber.az-ın Trend-ə istinadən məlumatına görə, bunu II Qarabağ müharibəsində şəhid olan 35 yaşlı İlyas Nəsirovun həyat yoldaşı Aytəkin Nəsirov bildirib.

6 dekabr 2020

Onlarla əsgərini mühasirədən çıxararaq son gülləsini sinəsinə sıxan şəhid mayor - FOTO

Torpaqlarımızın suverenliyi uğrunda canından keçən qəhrəman oğullarımızdan biri də Sabirabaddan olan mayor Anar Məmmədovdur.. . "Report"un Aran bürosu xəbər verir ki, Məmmədov Anar Elşad oğlu 1986-cı ilin 2 mayında Sabirabadda dünyaya göz açıb. Orta məktəbdə əla qiymətlərlə oxuyan Anarın uşaqlı

6 dekabr 2020

Əsirlikdə olan Amindən xəbər var - FOTO

II Qarabağ müharibəsi zamanı ermənilərə əsir düşən Amin Musayev ailəsinə məktub göndərib.. . Sonxeber.az xəbər verir ki, bunu axar.az-a açıqlamasında Aminin yaxın qohumu Çinarə Əliyeva deyib.. . O bildirib ki, məktubu ailəyə Beynəlxalq Qırmızı Xaç Komitəsi təqdim edib:. . "Qırmızı Xaç Komitəsi məktu

6 dekabr 2020

Komandirin yuxusuna girən şəhid və MÖCÜZƏ: "Gəl götür məni!"

Abıyev Vasif Füzuli döyüşləri zamanı şəhidlik zirvəsinə ucalıb. . Sonxeber.az-ın məlumatına görə, Lənkəran rayonunda anadan olan Vasif Vətən Müharibəsində şücaətlə iştirak edib.. . O, Füzuli döyüşləri zamanı əsgər yoldaşı ilə bərabər yaralanıb. Ayağından vurulsa da, döyüş mövqeyini tərk etməyən əsgə

6 dekabr 2020