Kərimin anasının ÖLÜM SƏBƏBİ BİLİNDİ

"İl yarımdı atamı itirdim. Anam dözə bilmədi. Birinci 22 yaşlı qardaşım dünyasını dəyişdi. Anam hər gün ağlayırdı. Atamdan sonra lap pis oldu. Dekabrın 28-də atamın ad günü idi, hamı onun qəbrini ziyarətə getdi. Anam orada deyib ki, Fətulla yanında yer elə gələcəm".

Sonxeber.az Axşam.az-a istinadən xəbər verir ki, bu sözləri müğənni Kərim Abbasov "Elgizlə izlə" proqramında deyib. O bildirib ki, 31 dekabr günü anasını dəfn edib. Kərim anasının dəm qazından zəhərləndiyini söyləyib:

"30 dekabr günü oğluma dedim ki, geyin get nənənin yanına. Biz bir yerdə yaşayırıq: o, yuxarı mərtəbədə, biz aşağıda. Uşaq gedib ki, anam hamamdadı. Gördüm qayıtmadı. Yoldaşımı göndərdim ki, get gör nə olub? Gəldiki yıxılıb, dünyasını dəyişib. Anam hamamda dəm qazından ölüb.

Hər bir ana-balanın arasında söz-söhbət olur. İncikli olan balalara deyirəm, ananızın qədrini bilin. Sizi söysə də, gülün, mənim kimi olmayın. Şou-biznes nümayəndəsiyəm, anam məni qınayırdı, dalaşırdı. Bizim aramızda inciklik olurdu. Ananın qədrini bilin, sonra peşmançılıq çəkməyəsiniz deyə".

Telegramda izləyin

instagramda izləyin