Moskova görüşü Azərbaycanın növbəti diplomatik qələbəsidir - AÇIQLAMA
Xəbər verdiyimiz kimi, yanvarın 11-də Moskvada Azərbaycan Prezidenti İlham Əliyev, Rusiya dövlət başçısı Vladimir Putin və Ermənistan Baş naziri Nikol Paşinyan arasında görüş keçirilib və üçtərəfli Bəyanat imzalanıb.
Bununla bağlı Sonxeber.az-a danışan deputat Cavid Osmanov bildirib ki, yanvarın 11-də Azərbaycan Respublikasının Prezidenti İlham Əliyev, Rusiya dövlət başçısı Vladimir Putin və Ermənistan Baş naziri Nikol Paşinyanın üçtərəfli görüşü keçirildi. Eləcə də Azərbaycan-Rusiya prezidentlərinin iki tərəfli görüşü də baş tutdu.
10 noyabrda atəşkəs elan olunduqdan sonra ilk dəfə idi ki, belə üçtərəfli görüş keçirilirdi. Əlbəttə, ilk növbədə qeyd etmək lazımdır ki, cənab prezident məğrur və qalib ordunun müzəffər Ali Baş Komandanı kimi bu görüşdə iştirak etdi. 44 günlük Vətən müharibəsindən sonra, bu səfər Azərbaycanın növbəti qalibiyyəti və diplomatik qələbəsi kimi qiymətləndirmək olar. Yekun olaraq dövlətlər arası əməkdaşlığı nəzərdə tutan ikinci bəyanatın qəbul edilməsi onu sübut edir ki, Azərbaycan regionun gələcəyini sülhə və əminamanlığa aparan ölkədir. Əlbəttə ki, imzalanan bəyanat regionda bütün iqtisadi və nəqliyyat əlaqələrinin bərpası, kommunikasiya xəttlərin açılması, o cümlədən üçtərəfli işçi komissiyanın yaradılması nəzərdə tutulur.
İmzalanmış üçtərəfli bəyanatda ən vacib məsələlərdən biri Azərbaycanın və Ermənistanın ərazisindən həyata keçiriləcək daşımaların yerinə yetirilməsi, Naxçıvanın Azərbaycanın əsas hissəsinin birləşdirilməsi, dəhlizin yaradılmasıdır.
Bu da təbii ki, Naxçıvanın blokadadan çıxarılması deməkdir. Eyni zamanda region ölkələri üçün böyük əhəmiyyət kəsb edən nəqliyyat, kommunikasiya xəttlərinin reallığa çevrilməsidir".
Deputat vurğulayıb ki, Ermənistan ərazisindən keçməklə Naxçıvana gedən dəhliz özündə iki kompanenti birləşdirir:
"Belə ki, dəmir yol Horadiz-Ağbənd istiqamətində qarşıdan gələn iki ildə yeni dəmir yolunun çəkilməsi, dəmir yolu ilə yüklərin Horadizə çatdırılması, Horadizdə yük terminalının yaradılması, oradan isə avtomobillərlə yüklərin Naxçıvana, Türkiyəyə çatdırılmasıdır.
Moskva görüşündə cənab prezidentin məğrur duruşu, alicənablığı, yüksək səviyyəli çıxışları növbəti dəfə də diqqəti cəlb etdi.
Əlbəttə ki, cənab prezident qalib dövlətin rəhbəri olmasından, kəskin şəxsi üstünlüyündən istifadə edib Paşinyanı alçaltmadı və onu çıxılmaz duruma salmadı.
Burada əlbəttə ki, Paşinyanın nə qədər məyus olması bütün dünyanın gözündən qaçmadı. Moskva görüşü həm də Ermənistanın baş naziri Nikol Paşinyanın həddindən artıq çaşqın vəziyyətdə olmasını bir daha göstərdi.
Üçtərəfli görüşdən sonra hər üç dövlətin liderlərinin birgə bəyantla çıxış etməsi, əlbəttə, cənab prezidentin bir daha necə böyük dünya şöhrətli diplomat olmasını sübut etdi".
Aysel Yusifqızı
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş