Azərbaycanda tədris ili UZADILA BİLƏR

Məlumdur ki, ölkəmizdə pandemiya səbəbindən tədris prosesi onlayn qaydada reallaşdırılır. Bu bir çox çətinlik yaratmaqla yanaşı, təhsilalanların prosesini ləngidir. Artıq vaksinləşmə mərhələsinin bu ay başlanılmasını nəzərə alsaq, dərslərin necə davam edəcəyi müzakirə mövzusuna çevrilib desək səhv etmərik. Bu barədə bəzi şailərin də yayılmasına şahid oluruq.

Bununla bağlı Sonxeber.az-a təhsil eksperti Kamran Əsədov danışıb:

"Dərslərin hibrid formada keçirilməsi sentyabr ayının 15-dən oktyabr ayının 19-dək olan müddətdəki kimi olmayacaq. Tamamilə az saylı qruplar, müxtəlif cədvəllər olacaq. Yəni həftədə şagirdlər 3 dəfə dərsə gələcəklərsə, bölgülər nəticəsində dərslər müəyyənləşəcək.

Digər bir məqam isə tətil və qeyri-iş günlərində də dərslərin tədris vaxtına salınması barədədir. Belə olması düşünülür. Hətta tədris tədris ilinin başa çatması biraz yubadılacaq.

Çünki şagirdlər uzun müddətdir dərs prosesindən kənarda qalıblar".

Qeyd edək ki, təhsil eksperti ötən gün açıqlamasında tədris prosesinə mart ayından başlanıla biləcəyini deyib. Onun sözlərinə görə siniflər, pillələr üzrə tədris prosesi tam şəkildə bərpa edilməyəcək.

Şəlalə Babayeva

Telegramda izləyin

instagramda izləyin