İlham Əliyev Nizami Gəncəvi Beynəlxalq Mərkəzinin həmsədrini qəbul etdi - YENİLƏNİB

İlham Əliyev Nizami Gəncəvi Beynəlxalq Mərkəzinin həmsədrini qəbul etdi - YENİLƏNİBAzərbaycan Respublikasının Prezidenti İlham Əliyev fevralın 23-də Nizami Gəncəvi Beynəlxalq Mərkəzinin həmsədri İsmail Serageldini videoformatda qəbul edib.

AZƏRTAC xəbər verir ki, İsmail Serageldini salamlayan Prezident İlham Əliyev deyib:

"Salam, cənab Serageldin. Sizi görmək çox xoşdur".

İsmail Serageldin: "Cənab Prezident, bu, mənim üçün böyük şərəfdir. Bu görüşün təşkilinə görə Sizə təşəkkür edirəm".

Prezident İlham Əliyev: "Çox şadam ki, Azərbaycana gəlmisiniz. Ötən il keçirilməsi planlaşdırılan Qlobal Forum pandemiya səbəbindən təxirə salındı. Bu, başadüşüləndir. Lakin, eyni zamanda, mən bilirəm ki, Nizami Gəncəvi Beynəlxalq Mərkəzi, sözsüz, bütün məhdudiyyətlər nəzərə alınaraq öz fəaliyyətini davam etdirib. Mən sizə də, xanım həmsədr Vayra Vike-Freyberqaya da Azərbaycanın uğurla həyata keçirdiyi azadlıq müharibəsi ilə əlaqədar mənə və Mərkəzin İdarə Heyətinin digər üzvlərinə ünvanlanmış səmimi məktubunuza görə minnətdarlığımı ifadə etmək istərdim. Sizin müharibə vaxtı və müharibədən sonra dəstək məktublarınız, Azərbaycanın ərazi bütövlüyünə dəstəyiniz ölkəmizdə yüksək qiymətləndirilir. Mən torpaqlarımızın azad edilməsi işinə bu çox açıq, səmimi, ədalətli yanaşmaya görə olduqca minnətdaram.

Beləliklə, xatırladığınız kimi, Nizami Gəncəvi Beynəlxalq Mərkəzinin daimi forumları zamanı mən auditoriyaya müraciət edərkən hər dəfə münaqişəyə diqqət çəkirdim, hər dəfə ədalətsizliyə, beynəlxalq hüququn pozulmasına diqqət çəkirdim. İndi vəziyyət dəyişib. Azərbaycan beynəlxalq hüququ bərpa edib, faktiki olaraq regionda və dünyada yeni reallıqlar yaradıb. Düşünürəm ki, bölgədə uzunmüddətli sülhün və sabitliyin bərqərar olması imkanından istifadə etmək üçün indi çox şey bu reallıqların region ölkələri, böyük dövlətlər tərəfindən düzgün qiymətləndirilməsindən asılı olacaq. Zənnimcə, bu gün Azərbaycan həqiqətən də düşmənçilik, nifrət, qarşıdurma səhifəsini bağlamaq və region üçün gələcək qurmağa hazır olduğunu nümayiş etdirir. Əslində, biz artıq buna başlamışıq. Biz yenidənqurma işlərinə, bütün region ölkələri üçün və nəticədə regionda sabitlik və proqnozlaşdırılma üçün faydalı olacaq layihələri həyata keçirməyə başlamışıq. Ona görə də düşünürəm ki, hamımızın yeni reallıqları qiymətləndirməyə və əməkdaşlığın müsbət imkanlarına və sülh şəraitində birgəyaşayışa diqqəti cəmləşdirmək üçün hökumətlər və beynəlxalq təşkilatlar olaraq addımlarımızı planlaşdırmağa ehtiyac var.

Azərbaycan öz öhdəliklərinə sadiqdir. Biz müharibə zamanı beynəlxalq norma və qaydalara əməl etməklə çox ləyaqətli, doğru şəkildə davrandıq. Zənnimcə, müharibədən sonra çox konstruktiv yanaşma nümayiş etdiririk. Düşünürəm ki, bu reallıqlar uzunmüddətli olacaq.

Regionumuzun uzun illər ərzində gözlədiyi sülh bərqərar olub və bu sülh uzunmüddətli olmalıdır. Əminəm ki, Mərkəzin fəaliyyətində siz, həmçinin bu imkanlara, müharibədən sonrakı inkişaf imkanlarına, münaqişədən sonrakı vəziyyətə diqqəti cəmləyəcəksiniz.

Dağlıq Qarabağ münaqişəsi sona çatıb. O, artıq tarixin bir hissəsinə çevrilib. İndi biz diqqəti qarşımızdakı məsələlərə cəmləşdirməliyik, ilk növbədə, əlbəttə ki, ərazilərin yenidən qurulmasına, bərpasına. Hər şey məhv olub. Biz dağıntıların miqyasını təsəvvürümüzə belə gətirə bilməzdik. Ağdamda, Füzulidə, azad edilmiş digər ərazilərdə, kəndlərdə, şəhərlərdə bir bina belə qalmayıb. Hər şey, tarixi abidələr dağıdılıb. Yenidənqurma işləri aparmaq üçün çoxlu tədbirlər görülməlidir. Əlbəttə, biz bu işə sadiqik, bunu etmək üçün bizim güclü iradəmiz, imkanlarımız var.

Əlbəttə, biz heç vaxt olmadığı kimi indi beynəlxalq birliyin həqiqəti bilməsini istəyirik. Çünki indi xarici diplomatlar, beynəlxalq medianın nümayəndələri işğaldan azad olunmuş əraziləri ziyarət edəndə hesab edirəm ki, onlar işğal nəticəsində bizim tarixi abidələrimizin, mədəni abidələrimizin nə vəziyyətə salındığını həqiqətən görürlər. Bizim əraziləri işğal edənlər hər şeyi məhv ediblər. Ümid edirəm ki, pandemiyadan sonra Mərkəzin növbəti tədbirində, həmçinin Mərkəzin üzvlərinin də işğaldan azad edilmiş bir sıra əraziləri ziyarət etmək və ola bilsin, orada müəyyən tədbiri təşkil etmək fürsəti olacaq. Lakin bu, əlbəttə, bizim gələcək əməkdaşlığımızın və müzakirələrimizin bir hissəsidir. Müharibə zamanı və müharibədən sonra göstərdiyiniz dəstəyə görə bir daha sizə minnətdarlığımı bildirmək istəyirəm. Sizi bir daha görməyə çox şadam".

İsmail Serageldin: "Bu gözəl sözlərinizə görə çox sağ olun, cənab Prezident. Həqiqətən də mənim üçün gündəlikdə duran birinci məsələ Azərbaycan ərazilərinin işğaldan azad edilməsi ilə bağlı bu böyük nailiyyətə görə Sizi şəxsən təbrik etmək idi. Mən İdarə Heyətindəki həmkarlarımla ziyarətetmə zərurəti olmadan Sizin dinindən asılı olmayaraq, bütün tarixi abidələrin tərəfinizdən qorunmasına dair möhtəşəm bəyanatınızla bağlı videoformatda xüsusi tədbirin keçirilməsi məsələsini müzakirə edirdim. Hesab edirəm ki, bu, çox mühüm məsələdir və biz UNESCO, Dünya Abidələr Fondu kimi təşkilatları, mədəni irsin qorumasına cəlb olunmuş təşkilatları dəvət etməklə bu məsələni daha yaxşı qabarda bilərik və Sizin bəyanatınızla bağlı onları müzakirələrə cəlb edə bilərik. Çünki bu, insanların qalibin nəinki təkcə möhtəşəm olduğunu, eyni zamanda, Siz də dediyiniz kimi, regionda sülhü təşviq etmək məqsədilə yeni səhifə açmaq istədiyini söyləməsi üçün bir nümunə ola bilər. Bu məsələni həll etməyin bir yolu mədəni irs məsələləri ola bilər. Bunlar da bütün tərəflərdə maraq oyatmaq üçün bəzi insanlar tərəfindən istifadə edilə bilən məsələlərdir. Beləliklə, Siz bu mühüm bəyanatı verməklə bunun qarşısını aldınız və hesab edirəm ki, biz bununla bağlı tədbir keçirə bilərik. İlk növbədə, mən həqiqətən də Sizi bu tarixi nailiyyət münasibətilə təbrik etmək istəyirəm. Bu, tarixi nailiyyət hətta Sizin dahi atanız Heydər Əliyev üçün belə mümkün olmamışdı. Lakin onun dahi oğlu bunu edə bildi. Bu, həqiqətən də böyük nailiyyətdir".

Söhbət zamanı Nizami Gəncəvi Beynəlxalq Mərkəzinin gələcək planları və Bakı Qlobal Forumunun keçirilməsi haqqında fikir mübadiləsi aparılıb.

13:57
Azərbaycan Respublikasının Prezidenti İlham Əliyev fevralın 23-də Nizami Gəncəvi Beynəlxalq Mərkəzinin həmsədri İsmail Serageldini videoformatda qəbul edib.

Bununla bağlı AZƏRTAC məlumat yayıb.
İlham Əliyev Nizami Gəncəvi Beynəlxalq Mərkəzinin həmsədrini qəbul etdi - YENİLƏNİB


Sonxeber.az Telegramda izləyin instagramda izləyin
Sosial   Baxılıb: 245   Tarix: 23 fevral 2021  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti


DİGƏR MARAQLI XƏBƏRLƏR

Çörək artıq kaloridir, yoxsa faydası var? - Xarici ekspertdən GÖZLƏNİLMƏZ CAVAB

Arıqlamaq istəyənlərin bir çoxu çörəyin faydasız olduğunu düşünüb ondan tamamilə imtina edir. Lakin mütəmadi olaraq çovdar çörəyindən istifadə etmək ürək-damar xəstəliklərinin qarşısının alınmasına kömək edir.. . BiG.AZ xəbər veri ki, bu barədə Çörək Sənayesi Tədqiqat İnstitutunun direktoru Marina Kostüçenk

23 fevral

Əyləc əvəzinə qaza basan sürücü piyadanı vurdu - VİDEO

İstanbul şəhərinin Şişli rayonunda dayanacaqdan çıxmağa çalışan sürücü əyləc əvəzinə qaza basaraq yaşlı piyadanı vurub. . . "İhlas Haber Ajansı" (İHA) məlumat verir ki, görüntülər ərazidə olan təhlükəsizlik kameraları tərəfindən qeydə alınıb.. . İnsident nəticəsində xəsarət alan yaşlı kiş

23 fevral

Canavarın başını qataraq həyatı bahasına sahibini xilas edən it - VİDEO

Canavarın başını qataraq sahibinin həyatını xilas edən iti ölümündən sonra "Mənim şəfqətli və zərif heyvanım" beynəlxalq mükafatına namizəd göstərmək istəyirlər.. . Bu barədə 360 TV xəbər yayıb.. . Bildirilir ki, hadisə Rusiyanın Komi vilayətində baş verib.. . Bununla bağlı kadrlardan aydı

23 fevral

Tatlısəs özündən 43 yaş kiçik sevgilisiylə görüntüləndi

Bir neçə gün öncə yeni imici ilə diqqət çəkən İbrahim Tatlısəs indi də gənc sevgilisi ilə gündəmə gəlib.. . "Haber Global" məlumat verir ki, tanınmış müğənninin sevgilisi özündən 43 yaş kiçik Gülçin Qaraqaya adlı gənc xanımdır. O, məşhurla birlikdə təyyarədə Bodruma uçarkən selfi çəkərək "Instagram"d

23 fevral

Ac qalan pişik ölən sahibinin əlini yedi

Şəhər mənzillərindən birində 83 yaşlı qadının və 59 yaşlı oğlunun cəsədlərinin tapılması Naberejnıye Çelni sakinlərinin qarşısına dəhşətli bir mənzərə çıxarıb.. . Sonxeber.az-ın xəbərə görə, mənzil sahiblərinin ölüm səbəbi hələ ki məlum deyil. Lakin məhkəmə ekspertləri cəsədlərin artıq çürüməyə başladığın

23 fevral

Yük maşını kafeyə girdi, müştərilər son anda ölümdən xilas oldular – VİDEO

Kafedə sakit şəkildə şam edən üç kişi möcüzə sayəsində sağ qalıb.. . 360 TV bununla bağlı görüntülər yayıb.. . Hadisə Rusiyanın Voronej vilayətində baş verib. Kadrlardan görünür ki, yük maşını düz onların oturduğu yerin yaxınlığında divardan keçir.. . Xoşbəxtlikdən zərərçəkən yoxdur..

23 fevral

Arıqlamaq istəyənlər, DİQQƏT: Heç bir pəhriz sizə kömək etmir?

Sizlərə Fransa istehsalı olan FATZORB kapsullarını təqdim edirik. . 1)İştahı kəsir . . 2)metobalizmani gücləndirir. . 3)piy qatlarını əridir. . 4)Kapsullar bitki tərkibli və ziyansızdır. . . . MƏHSUL HAQDA ƏTRAFLI. . Bir kurs ərzində orqanizmdən asılı olaraq 5-12 kg arıqlamaq mümkündür.. . Sifariş v

23 fevral

COVID-19-a qarşı mübarizədə İNQİLAB: havada öldürən cihaz yaradıldı

Estoniyanın "Respiray" texnologiya şirkəti ultrabənövşəyi şüalarla havadakı virus və bakteriyaların 99 faizdən çoxunu öldürən təmizləyici cihaz istehsal edib.. . Sonxeber.az xəbər verir ki, cihazın ölkənin Təhsil Nazirliyinin dəstəyi ilə Estoniya və Polşa universitetləri ilə birlikdə hazırlandığ

23 fevral

Oğurluğa getdiyi evdə yatıb qaldı

Türkiyənin Bursa şəhərində qəribə hadisə baş verib.. . DHA xəbər verir ki, İnegöl rayonunda sahibinin Almaniyada yaşadığı villaya oğurluğa girən şəxsi yuxu tutub.. . Bu zaman qonşular ev sahibinin xahişi ilə evə baş çəkməyə gəliblər.. . Onlar yataq otağında A.C. adlı şübhəlini yatarkən tapıblar. Dərha

23 fevral