Ölümcül xəstəliyə qalib gəlib GÖZƏLLİK KRALİÇASI oldu - FOTO

Şotlandiyanın Killsayt şəhərinin 28 yaşlı sakini Stefani Cillan ölümcül xəstəliyə qalib gəldikdən sonra gözəllik kraliçası adını qazanıb.

BiG.AZ xəbər verir ki, bu barədə "Daily Star" yazır.

Belə ki, 2017-ci ildə Cillana sümük xərçənginin aqressiv forması olan neyrofibrosarkoma diaqnozu qoyulub.

Elə həmin həftə onun əri Roberti altı tonluq yük maşını vurub.

"25 yaşlı hər bir qadın üçün üç uşağa baxmaq və onların hər iki valideynini bu qədər qısa müddətdə itirəcəkləri təqdirdə nə edəcəklərini düşünmək dözülməzdir. Hansı psixoloji yükə məruz qaldığımı təsəvvür edə bilərsiniz", - deyə qadın etiraf edib.

Lakin həm Stefani, həm yoldaşı möcüzəvi şəkildə sağ qalıblar.

Qadındakı şiş xoşxassəli və olub, lakin hələ də müalicəsi davam edir, çünki xəstəlik sümükləri dağıdaraq ağciyərlərə nüfuz edib.

Bütün bunlara baxmayaraq, 2020-ci ilin yanvarında Cillan gözəllik müsabiqəsində qalib olub.

Hazırda o, ehtiyacı olanlara psixoloji dəstək göstərən xeyriyyə təşkilatının rəhbəridir.

"Psixoloji sağlamlıq mənə yaxın bir mövzudur, çünki erkən yaşlarımdan şiddətli panik ataklardan əziyyət çəkirəm" deyən Stefani, hər gün dəhşətli ağrıları olsa da, bunun onu heç vaxt sındıra bilməyəcəyini vurğulayıb.

Heç kəsin öz problemlərində tək olmadığını düşünən qadın pozitivlik uğrunda mübarizə aparmağa davam edəcəyini əlavə edib.

Telegramda izləyin

instagramda izləyin