Daha iki MƏKTƏB virusa görə BAĞLANDI

Daha bir məktəb koronavirusa görə bağlanıb. Mingəçevirdə 1 saylı tam orta məktəbin fəaliyyəti dayandırılıb və 14 günlük distant təhsilə keçirilib.
Bununla da distant təhsilə keçirilmiş məktəblərin sayı 5 olub.

Bunu öz sosial hesabında təhsil eksperti Kamran Əsədov izləyicilərlə bölüşüb. Məktəblərin yenidən bağlanılması isə müzakirə mövzusudur:

"Virus səbəbilə bağlanan məktəblərin sayı artıq 10-dan çoxdur. Bəziləri statistikaya daxil edilməsə belə, məndə olan məlumata görə artıq Qaradağ rayonunun Lokbatan qəsəbəsində də iki məktəb fəaliyyətini dayandırıb. Həmçinin ölkədə virusa yoluxmağa görə digər məktəblər də tədris prosesinin istiqamətini dəyişib. Bu gözlənilən idi və artıq yüzdən çox sinif yoluxmaya görə bağlanıb.

Məktəblərdə yoluxma sayı dedikdə, təbii ki, ümumi kontingentin yoluxma kütləsini başa düşürük. Bilirik ki, bu ciddi rəqəmdir və hesab edirəm ki, yoluxmuş şəxslər müəyyənləşdirilməlidir. Ona görə ki, görülməli işlər tam şəkildə həyata keçirilməyib, səhlənkarlıqlar müşahidə olunub. Yoluxma sayı artarsa, birmənalı şəkildə tədris prosesi dayandırılacaq".

Şəlalə Babayeva

Telegramda izləyin

instagramda izləyin