FİLM KİMİ: Qadın oğlunun toy günü gəlinin doğma qızı olduğunu anladı - FOTO

Çinin Suçjou şəhərində film kimi hadisə yaşanıb: qadın oğlunun toy günü gəlinin onun illər öncə itirdiyi qızı olduğunu anlayıb.
Sonxeber.az BiG.AZ-a istinadən xəbər verir ki, bu barədə "The Mirror" yazır.

Belə ki, martın 31-də, toy günü qadın öz gəlininin qolunda doğuşdan bəri olan xalı görərək şoka düşüb, çünki eyni xal onun illər öncə itirdiyi qızının əlində olub.

Qadın gəlinin valideynlərinə yaxınlaşıb qızlarının doğma olub-olmadığını və 20 il öncə övladlığa götürülüb-götürülmədiyini soruşub.

Bu faktı illərlə sirr olaraq saxlayan ailə sualı eşidincə şok keçirib.
Məlum olub ki, onlar illər öncə qızı yolun kənarında taparaq doğma övladları kimi böyüdüblər.

Gəlinin sözlərinə görə anası ilə görüş toyun özündən də xoş bir hadisə olub.

Lakin qız qardaşı ilə ailə qurmaq istədiyindən narahat olub. Bu zaman bəyin anası daha bir sirrin üstünü açıb və öz balasını illərlə axtarıb tapa bilmədikdən sonra həmin oğlanı övladlığa götürdüyünü etiraf edib.

Beləliklə, bəylə gəlin bioloji qohum olmadıqları üçün toyu ləğv etməyə ehtiyac qalmayıb.

Telegramda izləyin

instagramda izləyin