Valideynlərin DİQQƏTİNƏ: "Uşaqlarda BU ƏLAMƏTLƏR varsa..." - AÇIQLAMA

Operativ Qərarhagın məlumatına görə son günlər Covıd-19 infeksiyasına yoluxanların sayı durmadan artır.Eyni zamanda vaksin olunanlarında sayında da artım hiss olunur. Çox təəssüf ki, artıq uşaqların da bu virusa yoluxmasının şahidi oluruq. Sosial şəbəkələrdə yayılan məlumata görə, infeksiyanın hazırkı dalğasında daha çox uşaqlar yoluxacaq.

Sonxeber.az xəbər verir ki, bununla bağlı tanınmış pediatr Günay Rəsulova BiG.AZ- a açıqlama verib:

"Məktəblərin başlanması ilə əlaqədar əvvəlki dalğa ilə müqayisədə uşaqların Covıd-19 infeksiyasına yoluxduğunun daha çox şahidi olduq. Amma uşaqlarda daha çox qripə bənzər vəziyyət, yəni qızdırma, quru öskürək, pnevmaniya, ishal, qusma, mədə bağırsaq şikayətlərində bu infeksiya keçir. Bəzən isə sırf Covıd-19 xəstəsi ilə ünsiyyətdə olan uşaqda tam simptomsuz belə keçdiyini görə bilirik. Ancaq uşaqlarda son dönəmlərdə keçirilmiş coviddən sonra və ya infeksiyalı xəstə ilə təmasdan sonra simptom görünməsə də 4-6 həftə sonrasında postcovid sindromu deyilən vəziyyətlə üzləşdik. Postcovid sindromu deyilən vəziyyət hamasakiyə bənzər xəstəlik əlamətləridir. Yəni bütün orqan və sistemlərin tutulumudur. Bu xəstəlik ən çox ürək damarlarını zədələyir.

Ona görə biz həmişə valideynlərə belə hallarda diqqətli olmağa çağırırıq. Yəni əgər 4-6 həftə əvvəl evdə qrip, covid keçirən şəxs olubsa, bir ay sonra uşaqlarda nəsə narahatlıq hiss olunursa mütləq həkimə müraciət etmək lazımdır. Çünki orda postcovid sindromu ola bilər və gecikə bilərik. Gecikdirilən zaman isə bütün daxili orqanların zədələnməsi baş verə bilər. Ona görə bir az ehtiyyatlı olmaq lazımdır. Bundan başqa bağça yaşlı uşaqlarda qızdırma ilə covid xəstəliyini keçirdiyini görürük. Ən çox evdə covid xəstəliyini keçirən ailələrin uşaqları daha çox bu virusa yoluxduğunu görürük. Bir də əlbəttə ki, məktəbə gedən uşaqlarda bu virusa yoluxduğunun şahidi olduq. İndi təbii ki, məktəblər bağlanıb. Ona görə uşaqlar arasında bu virusa yoluxmada azalmanı hiss edirik. Amma şükürlər olsun ki, uşaqlar arasında ölüm halları çox-çox aşağıdır. Ona görə istəmirəm insanlar arasında panika yaşansın. Valideynlərə müraciət etmək istəyirəm ki, uşaqları gərəksiz ictimai yerlərə aparmaqdan, ictimai nəqliyyatdan istifadə eməkdən çəkinsinlər. Əgər ictimai nəqaliyyatdan məcburən istifadə edilirsə maskadan, əl dezinfektorlarından istifadə etsinlər. Sosial məsafəni qorumağa çalışsınlar. Qonaq getmə-gəlmə hallarını bu aralar təxirə salsınlar. Çünki biz pandemiyanın alovlanma dövründəyik.Bu baxımdan valideynlər ehtiyyatlı olsunlar".

Günay Rəsulova həmçinin uşaqların vaksinləşmə prosesinə də toxunub:

"Hələki uşaqlar arasında vaksinasia yoxdur. Amma ümid edirik ki, tədqiqatlar müsbət nəticə verər və vaksinasiya uşaqlar arasında da başalayar. Amma yaşı çatan insanların heç tərəddüd etmədən mütləq şəkildə peyvənd olunmalıdır. Çünki vaksinasiya olunan insanın bu xəstəliyi keçirmə ehtimalı çox-çox aşağıdır. Çünki vaksinasiya olunmaq ilk növbədə cəmiyyət qarşısında olan məsuliyyətdir. Bu həm özünü həm də doğmalarını qorumaq deməkdir. Ümid edirik uşaqlar arasında da vaksinasiya başlayar və uşaqların yoluxma statistikası sıfıra enər".

Telegramda izləyin

instagramda izləyin