Gənc ixtiraçımız Reyhan ABŞ-ın bir neçə nüfuzlu universitetinə QƏBUL OLDU - FOTO

Dünyanın ən məşhur dərgilərindən olan "Forbes" jurnalının yaşı 30-dan aşağı olan 30 ən istedadlı ixtiraçı və innovatorlar siyahısına daxil edilən azərbaycanlı Reyhan Camalova ABŞ-ın bir neçə nüfuzlu universitetinə qəbul olunub.

Sonxeber.az Big.az-a istinadən xəbər verir ki, bu barədə gənc ixtiraçı özünün "Facebook" səhifəsində yazıb.

Onun qəbul olduğu universitetlər arasında Stanford, Pensilvaniya, Dyuk və digər universitetlər var:

1. Stanford Universiteti

2. Pensilvaniya Universiteti - Penn Dünya Təqaüdçüsü (Penn World Scholar) kimi qəbul alıb.

3. Dyuk Universiteti (Tam - illik 85,903 dollar təqaüdlə) - Martın ortasında erkən qəbul (likely letter) alıb.

4. Braun Universiteti (Tam - illik 85,574 dollar təqaüdlə)

5. Amherst Kolleci (Tam - illik 84,168 dollar təqaüdlə)- Martın 5-də erkən qəbul (early write) alan 200 şagirddən biri olub.

6. Toronto Universiteti Viktoria Kolleci, Fiziki və Riyazi Elmlər (Physical and Mathematical Sciences).

7. Toronto Universiteti Scarborough Filialı, Co-op Menecment (Co-op Management BBA).

Reyhan Camalova bu nəticələri əldə etməkdə ona yardım və dəstək olan hər kəsə, xüsusən ailəsinə, oxuduğu təhsil ocaqlarına minnətdarlığını bildirib:

"İnanıram ki, bu universitetlər arasında seçəcəyim təhsil ocağında qazanacağım biliklər, təcrübələr və əlaqələr ilə özümü cəmiyyətə faydalı, vətənimə və dünyaya xeyirli qlobal bir lider kimi yetişdirəcəyəm!" - deyə bütün Azərbaycanın fəxri olan gəncimiz sonda qeyd edib.

Qeyd edək ki, Reyhan Camalova "ClimateLaunchpad Azerbaijan" proqramının məzunudur. O, 2017-ci ildə, 15 yaşında yağışdan elektrik enerjisi əldə edən "Rainergy" qurğusunu ixtira edib.

Telegramda izləyin

instagramda izləyin