Qadın Şahzadə Harrini onunla evlənmədiyi üçün MƏHKƏMƏYƏ VERDİ

Hindistan sakini, vəkil Palvinder Sinqh Britaniya şahzadəsi Harrini məsuliyyətə çəlb etmək üçün məhkəməyə müraciət edib. Qadının sözlərinə görə, şahzadə onunla evlənəcəyinə dair vəd verərək, sözünün üstündə durmayıb.

Sonxeber.az BiG.AZ-a istinadən xəbər verir ki, bu barədə "İndia Today" yazır.

Palvinder Harri ilə sosial şəbəkələrdə və "e-mail" vasitəsi ilə yazışdığını iddia edir. Lakin qadın heç vaxt Britaniyaya getmədiyini və şahzadə ilə şəxsən görüşmədiyini də bildirib.

Sinqh toylarını bundan artıq uzatmamaq üçün Harrinin həbsini tələb edib.

Müraciətə Pəncab və Haryana ştatlarının Ali Məhkəməsi tərəfindən baxılıb və iddia rədd edilib. Qadının naməlum fırıldaqçı tərəfindən aldadıldığı bildirilib.

"Məlumdur ki, "Facebook", "Twitter" və digər sosial şəbəkələrdə "fake" profillər açılır. Çox güman ki, həmin "Şahzadə Harri" hazırda Pəncabın hansısa kəndində, internet-kafedə oturub", - deyə Pəncab və Haryana Ali Məhkəməsində qeyd olunub.

Şahzadə Harri Britaniya Kraliçası II Yelizavetanın nəvəsidir. O, 2018-ci ildə amerikalı aktrisa Meqan Marklla ailə qurub.

Telegramda izləyin

instagramda izləyin