Azərbaycanda qadın 19 yaşlı qızı aldadıb,Türkmənistanda kişiyə satdı - FOTO

Azərbaycanda qadın 19 yaşlı qızı aldadaraq Türkmənistana aparıb və orada bir kişiyə satıb.

Sonxeber.az xəbər verir ki, bunu "Səni axtarıram" verilişinə müraciət edən və ögey bacısı Şövkəti axtaran Bahar Əzimova bildirib.

O, söyləyib ki, Şövkət ona ana kimi qayğı göstərib:

"Anam işə gedəndə Şövkət bizi geyindirir və saçımızı darayırdı. Həmişə o, mənə gəlincik alırdı. Amma bu gün saçımı darayan və mənə gəlincik alan yoxdur. O,Türkmənistana gedib ailə quranda mənim 9 yaşım var idi. Rayonumuzda bir qadın Şövkəti 19 yaşı olanda aldadaraq Türkmənistanda satıb. Həmişə istəyirdim ki, onun yanına gedim. Özü arada gəlirdi, amma qalmırdı. Deyirdi ki, evimsiz qala bilmirəm. 1993-cü ilin dekabrın 4-dən onu görmürəm. Toydan sonra bacımı görməmişəm. Sonuncu dəfə toyda qucaqlaşıb, ağladıq. 27 ildir ki, bacımı görmürəm".

Aysel Yusifqızı

Telegramda izləyin

instagramda izləyin