Həkimdən evdə müalicə alan koronavirus xəstələrinə XƏBƏRDARLIQ

Həkimdən evdə müalicə alan koronavirus xəstələrinə XƏBƏRDARLIQKoronavirusa yoluxmuş şəxslərin çoxu evdə müalicə alır.

Sonxeber.az xəbər verir ki, Səhiyyə Nazirliyi Azərbaycan Tibb Universitetinin Yoluxucu xəstəliklər kafedrasının əməkdaşı tibb üzrə fəlsəfə doktoru Vüqar Cavadzadə həmin şəxslərin necə müalicə olunmasına münasibət bildirib.

Onun sözlərinə görə, hətta COVID-19 infeksiyasına yoluxmayan insanlar belə antiviral preparatlar alıb qəbul edirlər.

Həkimin müsahibəsini təqdim edirik:

Test nəticəsi pozitiv çıxan vətəndaşlar hansı şərtlərdə evdə müalicə oluna bilər?

İlk öncə onu qeyd edim ki, PZR testi (polimeraz zəncir reaksiyası) pozitiv olan şəxslər 2 həftə müddətində ev şəraitində özlərini təcrid etməlidirlər. Özünü təcrid etməklə onlar ətrafda olan insanları virusa yoluxdurmur, eyni zamanda xəstəlik inkişaf edərsə onun ağırlaşmasının qarşısını alınır.

Xəstəliyi simptomsuz (klinik əlaməti olmayan) keçirən xəstələrdə ev şəraitində həkim nəzarətində olmalıdır. Testi pozitiv çıxan, lakin heç bir klinik laborator dəyişikliyi olmayan şəxslərə müalicə təyin edilmir.

Evdə müalicə müddəti neçə gündür?

Hər bir xəstəyə fərdi yanaşılmalıdır. Xəstənin yaşı, yanaşı xəstəliyi, xəstəliyin ağırlıq dərəcəsi və s. kimi şərtlər mütləq nəzərə alınmalıdır. Xəstəliyin ağırlıq dərəcəsindən, yanaşı xəstəliklərdən aslı olaraq müalicə müddəti dəyişilə bilər. Orta hesabla müalicə müddəti 2 həftədir. Ağırlaşmış xəstələrdə bu müddət uzana bilər.

Qeyd etdiyim kimi xəstəliyi simptomsuz keçirən şəxslərə heç bir müalicə təyin edilmir. Bu şəxslər yalnız özlərini ev şəraitində 2 həftə təcrid etməlidir.

Xəstəliyi yüngül keçirənlərə 10-14 gün müddətində yalnız tərkibi vitaminlər və minerallarla zəngin olan polivitaminlər təyin edilə bilər. Xəstəliyi yüngül və orta ağır keçirən şəxslər gün ərzində bol maye qəbul etməli, kifayət qədər vitamin və zülalla zəngin qidalarla qidalanmalıdırlar.

Xəstəliyi ağır keçirən şəxslərinin daimi olaraq həkim nəzarəti, laborator müayinələr və oksigenə ehtiyacı olduğu üçün stasionar müalicə olunması zəruridir.

Evdə müalicə prinsiplərinə elə riayət olunmalıdır ki, sonradan xəstə ağırlaşıb xəstəxanaya düşməsin.

Əgər evdə COVID-19-a yoluxmamış şəxslər varsa onları qorumaq üçün nələrə diqqət etmək lazımdır?

Evdə COVID-19-a yoluxmuş şəxs varsa, digər ailə üzvlərini qorumaq məqsədilə yoluxan şəxs digər otaqda yerləşdirilməlidir.

Ailə üzvləri hamısı maska taxmalı, yoluxmuş şəxslə kontaktda olmamalı, otaqların havası tez-tez dəyişilməli, ümumi istifadədə olan mətbəx və sanitar qovşağı gündəlik dezinfeksiya edici vasitələrlə təmizlənməlidir.

Evdə COVID-19-a yoluxmamış şəxslər varsa onlar qeyd etdiyimiz tədbirlərlə yanaşı, immun sistemin zəifləməsinin qarşısını almaq məqsədilə özlərini soyuqdan qorumalı, kifayət qədər vitaminli və zülalla zəngin olan qidalar qəbul etməlidir.

Antibiotik istifadəsi nə zaman təyin edilir?

Çox təəssüflə onu qeyd etmək istəyirəm ki, test nəticəsi pozitiv çıxan kimi vətəndaşlarımız müxtəlif qruplardan olan antibiotiklər qəbul edirlər.

Bəzi hallarda isə zərurət olmadan ilkin olaraq ehtiyat antibiotiklərdən istifadə edilir. Onu da qeyd edim ki, hər xəstəyə antibiotik təyin edilmir. Ümumiyyətlə antibiotiklər həkim müayinəsindən sonra təyin edilməlidir.

Xəstəliyi simptomsuz və yüngül keçirən şəxslərə antibiotik təyin edilmir. Xəstəliyi orta-ağır keçirənlərə isə antibiotiklər laborator müayinələrin nəticələrinə əsasən təyin edilməlidir. Antibiotiklərin düzgün seçimi üçün antibiotikoqramma aparılmalıdır.

Antibiotiklərin gündəlik dozası, təyin olunma müddəti mütləq həkim tərəfindən müəyyən edilməlidir. Bəzən antibiotiklərin təyininə zərurət olmadığı halda xəstələr uzun müddət antibiotiklər qəbul edirlər ki, bu da sonradan ağırlaşmalara səbəb olur.

Evdə müalicədə ən çox edilən səhvlər nələrdir? Bəzən xəstələr ağırlaşmış halda xəstəxanaya çatdırılır. Xəstələr niyə ağırlaşır?

Əvvəla onu qeyd edim ki, test nəticəsi pozitiv çıxan şəxslər evdə özlərini özbaşına müalicə etməkdənsə, öncə yaşadığı ərazidə yerləşən poliklinika həkimlərinə müraciət etməlidir.

Xəstələrin böyük əksəriyyəti bu gün şablon reseptlərdən istifadə edir, xəstəlikdən sağalan digər şəxslərin istifadə etdikləri dərmanları qəbul edirlər.

Həkimə müraciət etmədən ev şəraitində özbaşına ehtiyac olmadan müxtəlif antibiotiklər, antiviral preparatlar, qan durulducu, hormonal və s. kimi preparatlar qəbul edirlər.

Bir çox hallarda insanlar ehtiyac olmadığı halda günlərlə vena daxili infuziyalardan istifadə edirlər. Nəticədə xəstəliyin gedişi ev şəraitində ağırlaşır, xəstəni xəstəxanaya köçürməli olurlar.

İnsanların çox hissəsi sanki düşünür ki, virusa yoluxmuş şəxslərin hamısına eyni müalicə aparılır, bütün xəstələrə eyni dərmanlar təyin edilir.

Qeyd edim ki, dərmanlar həkim tərəfindən təyin ediləndə, dərmanların göstəriş və əks-göstərişləri, əlavə təsirləri mütləq nəzərə alınır.

Bəzi hallarda xəstələr həkimlərə yox, tibb bacılarına müraciət edirlər. Tibb bacıları xəstəliyin ağırlıq dərəcəsini qiymətləndirə bilmədən, yanaşı xəstəliklərini nəzərə almadan əsassız yerə göstəriş olmadan müxtəlif preparatları xəstələrə vururlar ki, bu da ağırlaşmalara səbəb olur.

Antiviral preparatlar nə dərəcədə effektlidir?

Bu gün apteklərdə müxtəlif antiviral preparatlar satılır. İnsanlar bəzən 3-4 antiviral preparatlar alıb qəbul edirlər. Hətta COVID-19 infeksiyasına yoluxmayan insanlar belə bu preparatları alıb qəbul edirlər ki, buda sonradan müxtəlif fəsadlara yol açır.

Ümumiyyətlə COVID-19 infeksiyasının müalicəsində effektiv təsir göstərən hər hansı bir antiviral preparat mövcud deyil.

Qısaca desək COVID-19 infeksiyasının müalicəsində antiviral preparatların effektivliyi elmi-tədqiqatlarla sübuta yetirilməyib.

COVID-19 infeksiyası dünyada yayılmağa başlayan gündən bir sıra antiviral preparatlar tətbiq edilməyə başladı. Amma zaman keçdikdə klinik laborator nəticələr təhlil edildikdən sonra həmin preparatlar müalicədən çıxarıldı./BAKU.WS


Sonxeber.az Telegramda izləyin instagramda izləyin
Sosial   Baxılıb: 2334   Tarix: 22 aprel 2021  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti


DİGƏR MARAQLI XƏBƏRLƏR

Bu duyğunun azalması ölüm riskini artırır - ŞOK ARAŞDIRMA

Qoxu duyğusunun azalması 65 və bundan yuxarı yaşda olanlarda ölüm riskini artırır.. . Bununla bağlı ABŞ-ın Kolumbiya Universitetində araşdırma aparılıb.. . Bildirilir ki, 65 və bu yaşdan yuxarı 1169 adama təxminən 40 fərqli maddə iylədiblər. Qoxunun nə olduğunu çox variantlı siyahıda işarə etmələrin

22 aprel

Bu saatlarda yatmaq infarkt riskini AZALDIR

"Ramazanda iki saatlıq gündüz yuxusu orqanizmdə su və elektrolit itkisinin qarşısını alır və metabolizm prosesinə yaxşı təsir edir". . Bunu Ürək-damar Cərrahiyyəsi Şöbəsinin Müdiri professor Bingür Sönməz bildirib.. . O deyib ki, günorta yuxusunu alanların bu saatda yatmayanlara görə infark

22 aprel

Böyük Britaniyada "TikTok"u məhkəməyə verdilər

Böyük Britaniyada Uşaq Komissiyasının keçmiş üzvü "TikTok" sosial şəbəkəsini məhkəməyə verib.. . Uşaq Komissiyasının keçmiş üzvü Anne Longfild "TikTok"un uşaqların telefon nömrələrinin, videolarının, olduqları yerlərin və biometrik məlumatlarının kifayət qədər xəbərdarlıq etmədə

22 aprel

Hindistanın COVID xəstəxanasında faciə: 24 xəstə boğularaq ölüb

Hindistanın Maharaştra ştatındakı koronavirus hospitalında faciə baş verib.. . NDTV xəbər verir ki, oksigen sisternlərindən sızma nətcəsində ağciyərlərin süni havalandırılması cihazlarının işində problemlər yaranıb və palatalara oksigenin verilişi dayandırılıb.. . Nəticədə xəstəxanada yatan və sözügedə

22 aprel

"Instagram"da yeni funksiya tətbiq olunacaq

"Instagram"da yeni funksiyanın işə salınacağı barədə məlumat yayılıb.. . "Lenta.ru" portalının məlumatına görə, yenilik sayəsində istifadəçilər təhqiredici ifadələrin yer aldığı şəxsi mesajları gizlədə biləcəklər.. . Sosial şəbəkədən verilən məlumata əsasən, yeni alqoritm şəxsi mesajlar

22 aprel

Çində pensiyaçı tornadoya qalib gəldi - VİDEO

Çinin Xubey vilayətinin yaşlı sakini öz cəsarəti ilə görənləri heyrətləndirib.. . "Global Times" nəşrinin məlumatına görə, video "Twitter"in yerli analoqu olan "Weibo" şəbəkəsində yayılıb.. . Görüntülərdə avtomobil yuyan pensiyaçının yuyucu şlanq vasitəsilə hava burulğanın

22 aprel

Sankt-Peterburqda çaylar rəngini dəyişib – VİDEO

Rusiyalı ekoloqlar qəribə hadisə ilə rastlaşıblar.. . NTV-nin məlumatına görə, Sankt-Peterburqda iki çayın suları rəngini dəyişib.. . Onlardan biri ağ köpüklərlə örtülüb, digəri isə əvvvəlcə tünd çəhrayı, daha sonra isə tünd qırmızı rəngə boyanıb.. . Sahil yaxınlığında yaşayan şəxslər çaylardan kəski

22 aprel

Moskvada kuryer yola dağılmış pizzanı yerdən yığdı - VİDEO

Moskvada qida sahəsində çalışan velokuryerin hərəkəti sosial şəbəkələrdə geniş müzakirələrə səbəb olub.. . "RİA Novosti" xəbər verir ki, yayılan görüntülərdə kuryerin müştərilərə sifariş əsasında çatdırdığı pizzanı yerə dağıtması əks olunur. O, sağına-soluna baxaraq, heç kimin onu görmədiyində

22 aprel

Əlilliyə görə pensiya verilməsi sistemində yeni mexanizm olacaq? - AÇIQLAMA

Azərbaycanda son günlər əlilliyin müəyyən olunmasında süründürməçilik halları ilə bağlı narazılıqlar mövcuddur. Hətta Əmək və Əhalinin Sosial Müdafiəsi Nazirliyi tərəfindən sağlamlığı məhdud insanların təqaüdlərinin verilməsi müxtəlif səbəblərdən dayandırılıb. Bu da müəyyən narazılığa səbəb olub. .

22 aprel

vipemlak.az