Azərbaycan xalqı Zəngəzura qayıdacaq

Azərbaycan xalqı Zəngəzura qayıdacaq2021-ci il aprelin 20-də Azərbaycan Televiziyasına müsahibəsində ölkə başçısı İlham Əliyev Ermənistanı ciddi təşvişə salan Zəngəzur dəhlizinin yaradılması ilə bağlı məslələrə toxunaraq vurğulayıb ki, "Zəngəzur dəhlizinin yaradılması bizim milli, tarixi və gələcək maraqlarımıza tam cavab verir. Biz Zəngəzur dəhlizini icra edəcəyik, Ermənistan bunu istəsə də, istəməsə də. İstəsə, daha asan həll edəcəyik, istəməsə də zorla həll edəcəyik".
Bu dəhlizin yaradılması Azərbaycan, Rusiya və Ermənistan arasında 2020-ci il 10 noyabr tarixində imzalanmış üçtərəfli Bəyanatın müddəlarından biridir. Ancaq Ermənistanın son günlərdəki davranışından hiss olunur ki, bu ölkə yenə də əvvəlki oyunlarını oynamaq fikrinə düşüb. Ancaq Prezident İlham Əliyev qətiyyətlə bəyan etdi ki, Zəngəzur dəhlizi icra ediləcək.
Dəhlizin reallaşmasında əsas rəqib zamandır. Çünki yolların çəkilişi vaxt tələb edir. Bütün güclər bu layihələrin icrasına səfərbər olunub. Bu layihənin icrası ilə Azərbaycan xalqı 101 il bundan əvvəl əlimizdən alınmış Zəngəzura qayıdacaq.
Fakt budur ki, müharibədən öncə Azərbaycan Prezidentinin dəfələrlə Ermənistana etdiyi xəbərdarlıqlara əhəmiyyət verməyən işğalçı ölkə, indi Prezident İlham Əliyevin hər bir mesajından sonra əl-ayağa düşür. Çünki erməni xalqı artıq reallığı görür və bununla barışır. Erməni xalqı dəmir yumruğun zərbəsinin çox acı nəticələr verdiyini də unutmur və anlayır ki, artıq Azərbaycanla oyun oynamağın faydası yoxdur.
Ölkə başçısı yalnız 10 noyabr bəyanatında göstərilən müddəaların icra prosesini dəyərləndirərək Ermənistanın üzərinə götürdüyü öhdəliklərdən yayınma hallarının ola biləcəyi halda bu ölkə üçün baş verə biləcək nəticələrə diqqət çəkib. Yəni görülən işlər 10 noyabrda təsdiq olunmuş öhdəlikdir. Bu baxımdan öhdəliyin həyata keçirilməsində qalib dövlət kimi Azərbaycan israrlıdır.
Hacıqabulda Azərbaycan Televiziyasına müsahibəsində Qarabağda aparılan ümumi abadlıq-quruculuq işlərindən söz açan Prezident İlham Əliyev əsas kimi yol infrastrukturunun yaradılması ilə bağlı bütün istiqamətlər üzrə işlər getdiyini söylədi. Bəlli oldu ki, yaxın günlərdə Füzuli-Şuşa yolu, yəni Zəfər yolundan başqa, Horadiz-Zəngilan avtomobil yolunun da təməli qoyulacaq. Füzuli-Hadrut, Füzuli-Cəbrayıl, Bərdə-Ağdam, Göygöl-Toğanalı-Kəlbəcər avtomobil yollarının tikintisi artıq başlayıb və bununla paralel olaraq Bərdə-Ağdam və Horadiz-Zəngilan-Ağbənd dəmir yolu infrastrukturu da yaradılmaqdadır. Prezident bu yolun Zəngəzur dəhlizinə gəlib çatacağını və artıq cədvəl üzrə işlərin getdiyini də vurğuladı.
Prezident həmçinin bu işlərlə paralel olaraq, vurulmuş ziyanın hesablanması prosesinin də davam etdirildiyini, bu işə xarici mütəxəssislərin cəlb olunduğunu diqqətə çatdırdı. Məqsəd bəllidir - təbii sərvətlərimizdən qanunsuz istifadə etmiş Ermənistan və onun xarici tərəfdaşları beynəlxalq məhkəmədə cavab verməlidirlər. Çünki qızıl yataqlarımızın, mis yataqlarımızın, digər təbii sərvətlərimizin ermənilər tərəfindən talanması, qanunsuz istismarı beynəlxalq cinayət hesab olunur və bu istiqamətdə də hüquqi prosedurlara start verilib.
Müharibəyə qədər istədiyi oyunlardan çıxan, həmsədr dövlətlərin, beynəlxalq təşkilatların yaratdıqları cəzasızlıq mühitindən lazımınca yararlanan Ermənistan indi dalana dirənib. Bütün bunlara rəğmən, yəni azərbaycanlılara qarşı dövlət səviyyəsində soyqırımı törətməsi, tarixi, dini abidələrimizi dağıtması fonunda belə İlham Əliyev Ermənistanla əməkdaşlıq məsələsinin də mümkünlüyünü vurğuladı. Təbii ki, Azərbaycan xalqı bu vəhşiliyi heç vaxt unutmayacaq və heç vaxt bağışlamayacaq. Amma bununla paralel olaraq, öz maraqlarımızı təmin etmək üçün lazımi addımların atılması labüddür. Bu da Azərbaycanın ilk növbədə milli maraqları naminə atılan addımlardır.
Bir sözlə, məğlub Ermənistan götürdüyü bütün öhdəliyi yerinə yetirmək məcburiyyətindədir. Ən azı ona görə ki, artıq qarşısında güclü və haqlı Azərbaycan dövləti var. Prezidentin söylədiyi kimi, nə qədər bunu tez qəbul etsələr, özləri üçün daha xeyirlidir.
Beləliklə, görünən odur ki, qarşıdan gələn 3 il ərzində Azərbaycan bütün əsas infrastruktur layihələrini - dəmir yolu, avtomobil yolları, elektrik enerjisi istehsalı və su təchizatı layihələrini başa çatdıracaq. Həmin vaxta qədər Zəngəzur dəhlizi mütləq istifadəyə veriləcək.
Bütün bunlar onu göstərir ki, həm ölkəmiz üçün, həm də regionumuzla bu və ya digər şəkildə bağlı olan bir çox ölkələrin inkişafı üçün tamamilə yeni dövr, yeni sıçrayış mərhələsi başlayır. Deməli, qarşıdakı illərdə hər birimiz Azərbaycanın Cənubi Qafqaz regionunda sözün bütün mənalarında lider ölkə statusunun daha da möhkəmlənməsinin şahidi olacağıq.
Bir sözlə, dövlət başçısının düşünülmüş iqtisadi konsepsiyasının tam doğru formada icrası həm Azərbaycana böyük iqtisadi və siyasi dividendlər qazandıracaq, həm də dünya bir daha İlham Əliyevin hər zamankı kimi verdiyi vədləri uğurla gerçəkləşdirən qətiyyətli lider olduğunu görəcək.

İsrafil Kərimov – Azərbaycan Jurnalistlər Birliyinin üzvü


Sonxeber.az Telegramda izləyin instagramda izləyin
Siyasət   Baxılıb: 558   Tarix: 26 aprel 2021  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti


DİGƏR MARAQLI XƏBƏRLƏR

Türkiyə parlamentində Ermənistanın müharibə cinayətləri müzakirə olunacaq

Aprelin 26-da Türkiyə Böyük Millət Məclisində "Ermənistanın müharibə cinayətləri" mövzusunda xüsusi proqram olacaq.. . "Qafqazinfo" xəbər verir ki, Türkiyə Böyük Millət Məclisinin İnsan Haqlarının araşdırılması Komissiyası tərəfindən hazırlanan, Türkiyə parlamentinin rəhbəri Mustaf

25 aprel

Rusiya ABŞ-ı dost olmayan ölkələr siyahısına saldı

Rusiya dost olmayan ölkələrin siyahısının hazırlanması üzrə işə başlayıb.. . "Qafqazinfo" TASS-a istinadən xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib. O bildirib ki, həmin ölkələrin diplomatik nümayəndəliklərində Rusiya vətəndaşlarının iş

25 aprel

Putin və Bayden arasındakı görüşün ilkin vaxtı açıqlandı

Putin və Bayden arasındakı görüşün ilkin vaxtı açıqlandıRusiya prezidenti Vladimir Putinlə ABŞ dövlət başçısı Co Baydenin ilk görüşü iyun ayında baş tuta bilər.. . Bunu Rusiya prezidentinin köməkçisi Yuri Uşakov "Rossiya 1" telekanalına müsahibəsi zamanı bəyan edib.. . O, bildirib ki, məsəl

25 aprel

Baydenin bəyanatı Türkiyənin Rusiya ilə daha da yaxınlaşmasına səbəb ola bilər

ABŞ prezidenti Co Baydenin qondarma erməni soyqırımı ilə bağlı bəyanatı Türkiyənin Rusiya ilə daha da yaxınlaşmasına səbəb ola bilər.. . Bunu TASS-a açıqlamasında Rusiya Elmlər Akademiyasının Ərəb ölkələri və islam araşdırmaları İnstitutunun aparıcı elmi əməkdaşı Boris Dolqov bildirib.. . "Türkiy

25 aprel

Azərbaycan QHT-ləri bəyanat yaydı

Azərbaycan QHT-ləri ABŞ Prezidentinin qondarma "erməni soyqırımı" məsələsi ilə bağlı yanlış mövqeyini qətiyyətlə pisləyən bəyanat yayıb.. . Bəyanatı təqdim edirik:. . "ABŞ Prezidenti Cozef Bayden dünən "1915-ci il hadisələri"nin ildönümü ilə əlaqədar çıxışında XX əsrin əvvəllərind

25 aprel

Litvanın xarici işlər naziri Azərbaycana gəlir

Litvanın xarici işlər naziri Qabrielius Landsberqis Azərbaycana səfərə gəlir.. . APA-nın Litva Xarici İşlər Nazirliyinin mətbuat xidmətinə istinadən verdiyi xəbərə görə, bu gün nazir Qabrielius Landsberqisin Cənubi Qafqaz regionuna səfəri başlayır.. . Ermənistan, Gürcüstan və Azərbaycanda səfərə gələ

25 aprel

Sarkisyan Paşinyanın istefasını qəbul etdi

Ermənistan Prezidenti Armen Sarkisyan Nikol Paşinyanın Baş nazir postundan texniki istefasını qəbul edib.. . "Qafqazinfo" TASS-a istinadən xəbər verir ki, bu barədə erməni dövlət başçısının saytında dərc edilmiş Fərmanın mətnində deyilir.. . "Konstitusiyanın 130-cu maddəsinə əsasən hökuməti

25 aprel

Paşinyan Makronla Qarabağı müzakirə etdi

Ermənistanın baş naziri Nikol Paşinyan Fransa Prezidenti Emmanuel Makronla telefon əlaqəsi saxlayıb.. . Virtualaz.org bildirir ki, bu barədə Ermənistan hökumətinin mətbuat xidməti məlumat yayıb.. . Bildirilib ki, Paşinyanla Makron Qarabağ məsələsini və Cənubi Qafqazdakı vəziyyəti müzakirə ediblər. Tərəflər

25 aprel

İsrailli ekspert: "ABŞ-ın bu addımı dağıdıcı fəsadlara gətirib çıxaracaq"

"Erməni soyqırımı"nın tanınması dağıdıcı fəsadlara səbəb olacaq.. . Bunu Trend-ə israilli ekspert, vəkil Eli Naxt deyib.. . Onun sözlərinə görə, "erməni soyqırımı"nın tanınması ədalət axtarışı demək deyil:. . "Mənim fikrimcə, bu, Bayden administrasiyasının Suriya məsələsində

25 aprel