"Cazın şahzadəsi": "Bir çox insan mənim Azərbaycanı tərk etdiyimi düşünməklə səhv edir"

"Cazın şahzadəsi": "Bir çox insan mənim Azərbaycanı tərk etdiyimi düşünməklə səhv edir"Dünyanın bir çox ölkələrində caz-muğam sənətini layiqli davam etdirən azərbaycanlı soydaşlarımız var. Onlardan biri, bəlkə də birincisi əfsanəvi cazmen, caz-muğam sintezinin banisi Vaqif Mustafazadənin qızı, Əzizə Mustafazadədir.

Qərbdə "Aziza Mustafa Zadeh" olaraq adlanan məşhur azərbaycanlı pianoçu, bəstəkar və caz ifaçısı dünyada "Cazın şahzadəsi" kimi tanınır.

Hazırda Almaniyada yaşayan Ə.Mustafazadə dünyada Azərbaycan caz sənətini layiqincə təmsil edən ifaçılarındandır.

Əzizə Mustfazadə Oxu.Az-a blits-müsahibə verib:

- Uşaqlıq illərinizi necə xatırlayırsınız?

- Mənim uşaqlıq illərim çox qısa olub. Əsasən evdə keçirilən məşqlərdən, "Fioletovo Studiyası"nda səs yazdırmaqdan zövq alırdım. Həm də atam ürək çatışmazlığından əziyyət çəkdiyinə görə tez-tez təcili yardım maşınları gələrdi... Atam vəfat edəndə mən Günəşsiz qaldım... Hələ də atam Vaqif üçün darıxıram...

- İllərlə zirvədə qalmağı necə bacarırsınız?

- Musiqiyə diqqətlə yanaşmaq lazımdır. Səhnədə vicdanla çalışın. Güzəşt yoxdur.

- Belə çətin zamanlarda (koronavirus təhlükəsi) sizi nə ruhlandırır? Necə yaradıcı qala bilirsiniz?

- Ən azından bu çətin anlarda biz 3-cü dünya ölkələrində yaşayan xalqların dərdlərini unutmamalıyıq. Həyəcan keçirməyək. Yalnız bütün qaydalara əməl edin. Qapanış tədbirləri ilə izolyasiya edilsəniz də bu özünüzün yaradıcılığınızı ifadə etmək üçün bir fürsətdir. Xüsusi ilə ağıllı telefonlarınızı söndürün və uşaqlarınızla birlikdə rəsimlər çəkin və s.

- Uğurunuz üçün nəyə borclusunuz?

- Allaha və ailəmə minnətdaram.

- Soyadınız həyatınıza necə təsir edir?

- Pozitiv

- Özünüzdə ən çox təəssüfləndiyiniz xüsusiyyət hansıdır?

- Layiq olmayan insanlara etibar etmək.

- Sizinlə bağlı ən böyük səhv düşüncə nədir?

- Bir çox insan mənim Azərbaycanı tərk etdiyimi düşünməklə səhv edir. Vətənimlə, Azərbaycan vətəndaşı olmağımla fəxr edirəm.

- Gələcək üçün planlarınız nədir? Sizi sevənlərə nə demək istərsiniz?

- Mənim planlarım Azərbaycana uçmaq və yalnız gecə Bakıda gəzməkdir.

Sevgi mənə güc, ilham, ümid verir.

- "Generations" albomunuzun uğur sirri nədir?

- Elə bir sirr yoxdur. Sadəcə musiqi.

- Aşdığınız ən böyük maneə, əngəl nə olub?

- Maneələr hələ qabaqdadır ...Həmişə olacaqlar. İnsanı irəli aparmaq üçün.

- Necə xatırlanmaq istərsiniz?

- Layiq olduğum şəkildə xatırlanmaq istəyirəm.

- İndi dünyada nə baş verir? Dünyanın sizə öyrətdiyi ən vacib dərs nədir?

- Biz dönüş nöqtəsində yaşayırıq. Yeni bir şey deməyəcəm. Nə əkərsən onu da biçərsən. Məsuliyyətsiz, acgöz qaydalar. Ancaq bu da sona çatacaq.

- Müasir dünyanın şəklini necə və hansı rənglə çəkərsiniz?

- Ağ, qara, qırmızı, çox iti künclər ...

- Həyat fəlsəfənizi 3 cümlə ilə necə ifadə edərdiniz?

- Hər gün və hər şey üçün Allaha şükür edin. Ailənizi sevin. Bütün situasiyalarda İnsan qalın.

- Dinin həyatınızdakı rolu nə qədərdir?

- Allah mərhəmətlidir... Biz hamımız "Allahın Qanadları" altındayıq. Düşünürəm ki, daha çox danışmağa ehtiyac yoxdur.

- Keçmişə qayıtmaq mümkun olsaydı, hara gedərdiniz?

- 1978-ci ildə Tbilisidə Caz Festivalında atamla birlikdə çıxış etdiyim yerə gedərdim.

- Həyatınızı hansı kitab dəyişdi?

- Anton Çexovun hekayələri olan kitab.

- Nə vaxt çox xoşbəxt olursunuz? Almaq, yoxsa vermək daha yaxşıdır?

- Oğulumuz xoşbəxt olanda mən də çox xoşbəxt oluram.

Vermək daha yaxşıdır.

- Sevdiyiniz söz nədir?

- Allah

- Azərbaycanlılarla bağlı unutmadığınız xatirəniz nədir?

- Xeyirxahlıq.

- Azərbaycanın Qarabağ zəfəri ilə bağlı xalqımıza nə demək istərsiniz?

- Çoxmillətli Azərbaycan xalqını böyük qələbəsi münasibətilə ürəkdən təbrik edirəm. Nəhayət, doğma torpaqlarımız geri qaytarıldı. Bir olun. Çox çalışın, bir-birinizə hörmət edin və sevin. Hər gün dua edin. Biz yaxşı bir həyata layiqik.

- Muğamın beşiyi olan Şuşa (Qarabağ) şəhərində konsert vermək istərsinizmi?

- Böyük məmnuniyyətlə.

- Oğlunuz Ramiz-Xan sizin həyatınızda nəyi dəyişdi? Caz şahzadəsi olmaq, yoxsa ana olmaq çətindir?

- Ramiz-Xan mənim üçün hər şeydir. Ana olmaq böyük bir xoşbəxtlikdir.

- Analara nə məsləhət vermək istərsiniz?

- Uşaqlarınızla daha çox vaxt keçirin.

- Oğlunuz Ramiz-Xanın gələcəyi barədə nə düşünürsünüz? Sizcə Vaqif Mustafazadə yenidən doğuldu?

- Məncə Ramiz-Xan özü qərar verəcək. Proqnoz vermək çətindir. Çünki o, çox şeyi sevir.

- Ramiz-Xana Azərbaycan və babası Vaqif Mustafazadə haqqında nə deyirsiniz?

- Oğulumuz Azərbaycanı sevir, tez-tez uçub oraya getmək istəyir. Təəssüf ki, bu hələ mümkün deyil... Tez-tez Vaqifin musiqisini, eyni zamanda klassik musiqini dinləyir.

- Azərbaycan sizin üçün nə deməkdir? Bakıya tez-tez gəlirsiniz?

-Cazerbaycan! (Jazzerbaijan!)

Kiçik bir fürsət yaranan kimi Bakıya uçuruq. İnsan sakitcə sevməlidir.

- Sizi Azərbaycanda sevən insanlara, gənclərə nə demək istərdiniz?

- Sevginiz üçün sizə dərindən təşəkkür etmək istəyirəm. Mən də sizi və Müqəddəs muğam torpağımız - Azərbaycanı ürəkdən sevirəm.


Sonxeber.az Telegramda izləyin instagramda izləyin
Mədəniyyət   Baxılıb: 1100   Tarix: 01 may 2021  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti


DİGƏR MARAQLI XƏBƏRLƏR

İlham Əliyev və Mehriban Əliyeva Eldar Quliyevin dəfn mərasiminə əklil göndərib – FOTO

Azərbaycan Respublikasının Prezidenti İlham Əliyev və Birinci vitse-prezident Mehriban Əliyeva xalq artisti, rejissor Eldar Quliyevin dəfn mərasiminə əklil göndərib.. . APA xəbər verir ki, əklillər vəsiyyətinə uyğun olaraq "Qurd qapısı" qəbiristanlığında, həyat yoldaşı Anjela Quliyevanın yanınd

18 aprel

Rejissor Eldar Quliyev dəfn olunub - FOTO

Xalq artisti, rejissor Eldar Quliyev dəfn olunub.. . APA-nın məlumatına görə o, vəsiyyətinə uyğun olaraq "Qurd qapısı" qəbiristanlığında, həyat yoldaşının yanında dəfn edilib.. . Pandemiya ilə əlaqədar ailəsi dəfndə kənar şəxslərin iştirak etməməsini xahiş edib.. . Qeyd edək ki, E.Quliyev uzu

18 aprel

Xalq Artisti Eldar Quliyevlə vida mərasimi keçirilir - FOTO

Azərbaycan Respublikasının Xalq artisti, tanınmış kinorejissor və ssenarist Eldar Quliyevlə vida mərasimi keçirilir.. . Sonxeber.az APA-ya istinadən bildirir ki, mərasim "Təzə Pir" məscidində təşkil olunub.. . Qeyd edək ki, Xalq artisti Eldar Quliyev aprelin 16-da vəfat edib. O, yanvarın 18-d

18 aprel

Xalq artistinin ailəsində XOŞ GÜN

Xalq artisti Nurəddin Mehdixanlının ailəsində xoş gün yaşanıb.. . Sonxeber.az-ın əldə etdiyi məlumata görə tanınmış aktyorun qız nəvəsi dünyaya gəlib. Amma bu barədə hələlik aktyorun özü heç bir açıqlama verməyib.. . Qeyd edək ki, Nurəddin Mehdixanlı ilk dəfə baba olur.

17 aprel

Azərbaycanda tanınmış rəssam vəfat etdi

Tanınmış keçəçi-rəssam Rauf İsmayılov vəfat edib.. . Axşam.az xəbər verir ki, bu barədə Mədəniyyət Nazirliyi məlumat yayıb. Sənətkarın aprelin 14-də vəfat etdiyi bildirilib.. . Qeyd edək ki, Rauf Əbdülhüseyn oğlu İsmayılov 28 iyun 1957-ci ildə Mingəçevir şəhərində anadan olub.. . "Ana məhəbbəti"

17 aprel

Müalicəyə pul tapmadı, arvadı evdən qovdu, parklarda gecələdi - Aktyorumuzun dəhşətli həyatı

Sonxeber.az Kulis.az-a istinadən aktyor Fikrət Məmmədov haqqında maraqlı faktları təqdim edir.. . Fikrət Əli oğlu Məmmədov 1 yanvar 1956-cı ildə anadan olub. Sergey Gerasimov adına Ümumrusiya Dövlət Kinematoqrafiya Universitetinin məzunu olub. Azərbaycanın məşhur musiqi xadimi Ağası Məşədibəyovun nəvəsidir.

11 aprel

"Jara" bu şəhərdə KEÇİRİLƏCƏK

Ənənəvi olaraq hər il təşkil edilən "JARA" beynəlxalq musiqi festivalı bu dəfə Moskvada "Lujniki" stadionunda keçiriləcək.. . Sonxeber.az xəbər verir ki, tədbirin tərtibatı əvvəlki kimi olacaq. Festivala gələn musiqisevərlər beş gün ərzində Rusiya və MDB ölkələrindən 200-dən çox sənətçini

30 mart

Van Qoqun əsəri 13 milyon avroya satılıb - FOTO

Tanınmış rəssam Vinsent Van Qoqun "Monmartda küçə səhnəsi" əsəri hərraca çıxarılıb.. . "Sotheby's" hərrac evinin "Twitter" səhifəsində dərc olunan məlumata əsasən, rəsm əsəri Parisdə 13.091.250 avroya alıcı tapıb.. . Qeyd edək ki, 135 il öncə çəkilən əsər heç zama

26 mart

SON DƏQİQƏ: Azərbaycanda Xalq artisti dünyasını dəyişdi

Xalq artisti Ramiz Məmmədov vəfat edib. . . Sonxeber.az "Qafqazinfo"ya istinadən xəbər verir ki, bu barədə sosial şəbəkələrdə onun sənət dostları məlumat yayıb. Tanınmış aktyorun uzun müddətdir xərçəng xəstəliyindən əziyyət çəkdiyi bildirilib.. . Qeyd edək ki, Azərbaycan Dövlət Akademik Musiqil

21 mart