Həftəsonu ictimai nəqliyyatın fəaliyyəti nə zaman bərpa ediləcək? - AÇIQLAMA

Artıq ölkəmizdə vaksinasiya prosesinin yeni mərhələsi başlayır. Bundan sonra daha çox insan vaksin olunacaq. Eyni zamanda yoluxma ilə bağlı müsbət tendensiya davam edir. Bəs görəsən belə olan təqdirdə karantinlə bağlı tətbiq edilən məhdudiyyətlər aradan qaldırıla bilər?

Mövzu ilə bağlı Sonxeber.az-a Bakı Nəqliyyat Agentliyinin mətbuat katibi Mais Ağayev bildirdi ki, bu məsələ ilə bağlı qərar Nazirlər Kabineti yanında Operativ Qərargahın səlahiyyətində olan bir məsələdir.

Nəqliyyat eksperti Elməddin Muradlı Sonxeber.az-a açıqlamasında bildirdi ki, ictimai nəqliyyatin fəaliyyəti müəyyən şərtlər daxilində olsa belə bərpa edilə bilər: "Həftə sonları ictimai nəqliyyatın fəaliyyətinə tətbiq edilən qadağanın lığvi Operativ Qərargahın səlahiyyətindədir. Əslində bu qərarı verərkən müəyyən götür-qoy edilməli idi. Bu qadağa cəmiyyətdə bir çox insanın gündəlik həyatına müxtəlif maneələr törədir. İctimai nəqliyyatın işləmədiyi günlərdə taksilər də qiymətləri artırır. Hər kəsin taksidən istifadə etməyə maddi gücü çatmır. Düşünürəm ki, bu barədə verilən qərara yenidən baxmaq lazımdır. İctimai nəqliyyatin fəaliyyəti müəyyən şərtlər daxilində olsa belə bərpa edilə bilər. Bunun üçün müəyyən imkanlar var. Düşünürəm ki, bu məsələ yenidən müzakirə edilməlidir.

Telegramda izləyin

instagramda izləyin