Keçmiş sinif yoldaşları 70 il sonra görüşüb AŞİQ OLDULAR - FOTO

İngiltərədə keçmiş sinif yoldaşları ayrıldıqdan 70 il sonra bir-birini taparaq aşiq olduqlarını anlayıblar.
Sonxeber.az BiG.AZ-a istinadən xəbər verir ki, bu barədə "The Sun" yazır.

Belə ki, 81 yaşlı Toni Cekson və 80 yaşlı Qloriya Luks bir sinifdə oxuyublar. Uşaqlıqdan dostluq edən cütlük məktəb illərində pyeslərdə də birlikdə rol alıblar.
Lakin 1950-ci illərin əvvəllərində məktəbi bitirdikdən sonra onların yolları ayrılıb və bir daha görüşməyiblər.

Cəmi bir dəfə 2003-cü ildə Cekson Luksa zəng edərək sinif yoldaşlarıyla görüşə gələ bilməyəcəyi üçün üzr istəyib.

2020-ci ildə isə o, köhnə kağızlar arasında Qloriyanın telefon nömrəsini taparaq hal-əhval tutmaq qərarına gəlib.

O vaxtdan yaşlı cütlük yenidən ünsiyyət qurub, pandemiya isə onları daha da yaxınlaşdırıb.

Onlar bir neçə dəfə görüşüblər, gündə 5-6 dəfə telefonla danışıbar və tez bir zamanda bir-birilərinə sevgi etirafı ediblər.

Luks ərinin ölümündən sonra yeni münasibətlər qurmaq fikrində olmasa da, keçmiş sinif yoldaşının onun həyatına qayıtması hər şeyi dəyişib.

Cekson da duldur. Onun uşaqları və 16 nəvəsi var.

Hazırda cütlük Britaniyaya səyahət etməyi planlaşdırır.

"Biz həddən artıq çox vaxt itirmişik və hazırda əvəzini çıxmalıyıq", - deyə Cekson etiraf edib.

Qeyd edək ki, oxşar hadisə daha öncə Kanadanın Uondsvort şəhərində də baş verib. Burada məktəb vaxtında sevgili olub ayrılan cütlük 70 il sonra yenidən görüşüb və cəmi üç gündən sonra evlənmək qərarına gəliblər.

Telegramda izləyin

instagramda izləyin