Koronavirusdan sonra mədə-bağırsaq qanaxması görülə bilər – ALİMLƏR

Koronavirus infeksiyası öncədən mədə-bağırsaq və qaraciyər xəstəlikləri olan insanlarda ciddi problemlər yaradır. Burda virusdan da çox, müalicə vaxtı istifadə edilən dərmanlar və qandurulducular təsir edir.

Koronavirusdan sağaldıqdan sonra bir çox xəstələrdə mədə-bağırsaq qanamaları qeydə alınıb.

Kovid xəstələrinə qan laxtalanmasına qarşı Kleksan, kardio maqnil kimi antikoaqulyantlar təyin edilir. Bunları qəbul edən zaman mədəni qoruyacaq xüsusi dərmanlar təyin edilməlidir. Əks təqdirdə ciddi qanama ola bilər.

Çox zaman xəstələr bu dərmanlara əhəmiyyət vermir, onları hər səhət qəbul etmir və birinci də onlardan imtina edirlər.
Kovid müalicəsindən sonra isə bu xəstələr mütləq qastroenteroloqa müraciət edib, koviddən sonra mədə-bağırsaq xoralarının vəziyyətini bir daha yoxlatmalıdır.

Bir çox ölkələrdə pandemiyanın pik vaxtında koronavirus xəstələri ilə yanaşı klinikalara ağır mədə-bağırsaq qanamaları ilə daxil olan xəstələrin də sayının çox olduğunu bildirir.

Hətta bəzən çox xəstələr təkcə mədə-bağırsaq ağrıları ilə daxil olub, lakin müayinə zamanı onda koronavirus aşkarlanıb. Beləliklə, kovid virusunun birinci növbədə mədə-bağırsaq sistemini sıradan çıxardığını da təxmin etmək olar.

Telegramda izləyin

instagramda izləyin