Tahir Salahov DƏFN EDİLDİ - YENİLƏNİB

Xalq rəssamı Tahir Salahov dəfn olunub.

Sonxeber.az APA-ya istinadən xəbər verir ki, o, I Fəxri Xiyabanda dəfn edilib. Dəfn mərasimində Xalq rəssamının ailə üzvləri, yaxınları, mədəniyyət naziri Anar Kərimov, incəsənət və mədəniyyət nümayəndələri iştirak edirlər.

Onun məzarı görkəmli alim Lütfi Zadənin məzarı yanında yerləşir.

Qeyd edək ki, Tahir Salahov mayın 21-də müalicə olunduğu Almaniyada vəfat edib.

***

Azərbaycan təsviri sənətinin görkəmli nümayəndəsi, dünya şöhrətli rəssam, SSRİ və Azərbaycanın Xalq rəssamı, Rusiya Rəssamlıq Akademiyasının vitse-prezidenti, Dövlət mükafatları laureatı Tahir Salahov dəfn edilir.

Oxu.Az xəbər verir ki, T.Salahov Birinci Fəxri xiyabanda torpağa tapşırılır.

11:53
Xalq rəssamı Tahir Salahovla vida mərasimi keçirilir.

Sonxeber.az APA-ya istinadən xəbər verir ki, onun cənazəsi vida üçün İçərişəhərdə yerləşən Art Galleriyə gətirilib.

Mərasimdə Xalq rəssamının ailə üzvləri və yaxınları iştirak edirlər.

Qeyd edək ki, Tahir Salahov birinci Fəxri Xiyabanda dəfn olunacaq. O, mayın 21-də müalicə olunduğu Almaniyada vəfat edib.

Telegramda izləyin

instagramda izləyin