Kinoteatrda itən pulqabı 46 il sonra TAPILDI: İçində...

ABŞ-ın Kaliforniya ştatının Ventura şəhərinin sakini Kollin Distin 46 il öncə kinoteatrda itirdiyi pulqabısını tapıb.

Sonxeber.az BiG.AZ-a istinadən xəbər verir ki, bu barədə "AP" informasiya agentliyi məlumat yayıb.

Belə ki, 1975-ci ildə təxminən 20 yaşında olan Distin kinoteatrda çantasını yerə qoyarkən, pulqabısı içindən düşüb. İtən pulqabıda 200 dollarlıq çek, ailə fotoları, sürücülük vəsiqəsi və s olub.

Səhəri gün Distin kinoteatra zəng edib, lakin oradan heç nə tapmadıqlarını, tapdıqları halda isə xəbər verəcəklərini bildiriblər.

Nəticədə, 25 may 2021-ci il tarixində kinoteatrın təmiri zamanı Tom Stivens adlı işçi pulqabını tapıb. İtmiş əşya zirzəmidə, konfet kağızları, bilet kağızları və qazlı içkilərin boş qablarının arasında olub.

Stivens pulqabının içindəki məlumatlardan istifadə edərək sahibini tapmağa çalışıb. Köhnə fotolar, "Grateful Dead"in 1973-cü ildə baş tutan konsertinə bilet, Distinin 1976-cı ildə müddəti bitən sürücülük vəsiqəsi yerində olsa da, pul olmayıb.

Teatrın müdiri işçiyə bu barədə "Facebook"da paylaşım etməyi məsləhət görüb. Paylaşım 1000 dəfədən çox "repost" olunub və beləliklə, bir neçə saat ərzində tapıntı barədə məlumat sahibinə çatıb.

İyunun 4-də qadın pulqabısına qovuşub.

Bu tapıntı onun üçün "zaman kapsulu" kimi olub. Üzərində şeirlər, qeydlər yazılan kağız parçaları, sinif yoldaşlarının və hazırda dünyasını dəyişmiş olan anasının şəkilləri qadını kövrəldib.

Telegramda izləyin

instagramda izləyin