Uçurumdan "asılı" qalan bu ev "Tetris" oyununu xatırladır - FOTO-VİDEO

Kanadanın Vankuver şəhərində qayaların üzərində "Tertis" oyununu xatırladan ev tikilib.

Sonxeber.az BiG.AZ-a istinadən xəbər verir ki, həmin binanın layihəsi iranlı memar Milad İştiyaqi tərəfindən hazırlanıb.

Tikili bir-birinin içində yerləşən bloklardan ibarətdir. Bütün blokların döşəmədən tavana kimi uzanan iri pəncərələri var. Həmin pəncərələri açıb otağı terasa çevirmək və mənzərədən zövq almaq mümkündür.

Bina 3 mərtəbədən ibarətdir. Birinci mərtəbədə qonaq otağı, mətbəx və ümumi ərazi, ikinci mərtəbədə yataq otaqları, üçüncü mərtəbədə isə böyük hovuzu olan istirahət zonasıdır.

Memarın sözlərinə görə, ev təbii mənzərəyə uyğun gəlir və təbiətə zərər verməmək məqsədi ilə hazırlanıb.

Əmlakın satış qiyməti məlum deyil, lakin qeyri-adi dizayn, böyük ölçüsülər və tikintinin qiyməti nəzərə alınsa, bu məbləğ bir neçə milyon dollardan az olmayacaq.

Telegramda izləyin

instagramda izləyin