Arıqladan, şişkinliyi yox edib köpü azaldan DADLI RESEPT

Bir çoxları, xüsusən xanımlar, artıq çəkidən əziyyət çəkir və arıqlamağa çalışırlar. Ödem (şişkinlik) və köp də çox insanları narahat edən məsələlərdəndir. Yay fəsli bu problemlərdən qurtulmaq üçün ən uyğun zamandır. İsti havada hərəkət etdikdə insan daha çox tər ifraz edir, yeməkdən çox, su içmək istəyir. Bu fəsildə, həmçinin, meyvələr də bol və daha ucuz olur. Maraqlıdır ki, bu meyvələrin yeyilməyən hissələrində də şəfa var.

Sonxeber.az BiG.AZ-a istinadən xəbər verir ki, mövzu ilə əlaqədar həkim-fitoterapevt, apiterapevt, bitkilər üzrə elmi işçi Elnur Eldaroğlu özünün "İnstagram" səhifəsində paylaşım edib.

Belə ki, o, meyvə və bitkilərdən hazırlanan, ödem atan, arıqladan, köpü azaldan və rahatlaşdıran çayın reseptini açıqlayıb.

"Bəzən səhər oyanarkən və ya axşama doğru əllərinizdə, ayaqlarınızda və üzünüzdə şişkinlik artır. Səbəblər çoxdur: zob, ürək-damar problemləri, böyrəklərdə baş verən dəyişikliklər, aybaşı pozulması, stress və s. Bu zaman hazırda yediyiniz meyvələrin digər hissələrindən istifadə edin", - deyən həkim aşağıdakı resepti tövsiyə edib.

DADLI VƏ FAYDALI RESEPT

Bir ovuc gilas saplağı,
Bir tutum qədər qarğıdalı saçağı,
Bir xörək qaşığı rozmarin yarpağı,
Bir fincan limon qabığı,
Bir desert qaşığı may balı.

Bitki və meyvə hissələrini götürüb yarım litr qaynar suda dəmləyin. 20 dəqiqə keçdikdən sonra süzün və gün ərzində alınmış mayeni yeməkdən öncə 3-4 dəfə için. İçmədən öncə bir desert qaşığı may balı əlavə edin.

Telegramda izləyin

instagramda izləyin