Ermənistan xəbərdarlıqlara məhəl qoymur, Azərbaycan tərəfi hansı addımları atacaq? - AÇIQLAMA

"10 noyabr bəyanatından sonra ermənilərin atəşkəsə tam olaraq riayət edəcəklərini söyləmək mümkün deyil. Bu reallıqdır ki, ermənilər hər zaman belədirlər. Ermənistan tərəfinin etdiyi hərəkətlər, siyasi əxlaqsızlıqlar bizə onu deməyə əsas verir ki, Ermənistan tərəfi heç bir halda müqavilənin şərtlərinə əməl etmək istəmir".

Bu sözləri Sonxeber.az-a açıqlama verən hərbi ekspert Ramil Məmmədli deyib.

O bildirib ki, müharibə Azərbaycanın maraqları çərçivəsində deyil:

"Azərbaycanın erməni təxribatına qarşı atacağı addımlar ərazini möhkəmləndirməkdən, lazım olduğu vaxt cəza tədbirlərinin görülməsindən ibarətdir. Bunlardan başqa bir variant yoxdur, çünki təxribatların qarşısını almaq üçün əməliyyatların həyata keçirilməsi, yenidən müharibənin alovlandırılması Azərbaycanın maraqlarına xidmət etmir. Biz hər dəfə qeyd edirik ki, beynəlxalq qaydalara və 10 noyabr bəyanatına riayət edirik. Sülh müqaqviləsi imzalanmayana qədər proses belə də davam edəcək.

Ermənistan öz məğlubiyyəti ilə barışmaq istəmir və bu cür yollara əl ataraq qisas almağa çalışır. Digər tərəfdən, Ermənistanın siyasi durumunda da, hərbi vəziyyətində də fərqli fikirlər mövcuddur. Nikol Paşinyan hakimiyyətinə qarşı qruplaşmalar var ki, onlar Paşinyanı gərgin vəziyyətə salmaq istəyirlər. Düşünürəm ki, bundan sonra hadisələrə nəzarət mexanizmi güclənəcək. Seçkilər bitdi, Paşinyan öz hakimiyyətini daha da gücləndirə biləcək".

Aytəkin Cəlali

Telegramda izləyin

instagramda izləyin