Paşinyan Azərbaycanın qarşısına hansı dövlətləri çıxarmaq istəyir? - AÇIQLAMA

"Çox təssüf ki, Paşinyan Ermənistanda öz hakimiyyətini gücləndirir və Azərbaycanla Ermənistan arasında siyasi proseslərdə müsbətə doğru gedən heç nə yoxdur, çünki erməni tərəfi öhdəliklərini yerinə yetmir".

Bu sözləri Sonxeber.az-a açıqlama verən Sosial Tədqiqatlar Mərkəzinin Mətbuat Xidmətinin rəhbəri, beynəlxalq məsələlər üzrə mütəxəssis Əziz Əlibəyli deyib.

O bildirib ki, Ermənistan tərəfi sülh müqaviləsinə gəlmək əvəzinə uzaqlaşır:

"Azərbaycan tərəfinin əsas prioritet addımı burada sərhədlərin müəyyən edilməsi, yəni demarkasiya prosesinin başa çatması və daha sonra delimitasiya prosesinin yekunlaşması ilə bağlıdır. Bütün bunlar sülh müqaviləsinin imzalanması ilə nəticələnməlidir. Amma buna qədər 10 noyabr razılaşması, Paşinyanın əməl edəcəyi öhdəliklər var idi. Bunlar, xüsusilə də demarkasiya xətlərinin çəkilməsi, Qarabağdakı erməni silahlılarının çıxarılması ilə bağlı verilən vədlər idi. Amma bunlara əməl olunmur, davamlı şəkildə Azərbaycana hücumlar təşkil olunur, həm Tovuz, həm Kəlbəcər istiqamətində təxribatlar həyata keçirilir. Burada da erməni tərəfi, xüsusən də Paşinyan admistrasiyası, Azərbaycanın qarşısına Rusiya və KTMT üzvü olan ölkəri çıxarmaq istəyir. Bu onu göstərir ki, Paşinyan da artıq revanşist əhval ruhiyyədədir və sülhə yaxınlaşdıracaq addımlar atmaqdansa, sülhdən uzaqlaşmaq haqqında ciddi radikal düşüncələr nümayiş etdirməkdədir".

Sülh müqaviləsinin imzalanması istiqamətində atılacaq addımlar barədə isə ekspert bunları deyib:

"Sülh müqaviləsinin imzalanması istiqamətində hansı addımlar atılmalıdır ki, erməni tərəfi bu ritorikadan imtina etsin, kommunikasiyaları açsın, sərhədlərin müəyyənləşdirilməsində problem yaratmasın, təxribatlar törətməsin, Azərbaycanla Ermənistan arasında sülh müqaviləsinə dəstək olsun, baş nazirlər və müavinləri səviyyəsində qurulan komisiyyanın işinə töhfə versin, bunlarla bağlı iddia edən tərəf isə günahlandıran tərəfə çevrilməsin? Bu məsələ həllini tapsa, konkret sülh müqaviləsinin imzalanmasına gətirib çıxara bilər. İndiki halda isə sülh müqaviləsindən yox, Azərbaycan Respublikasının Prezidentinin açıqlaması üzərindən şərh vermək olar. İlham Əliyev vurğuladı ki, erməni tərəfi razılaşmaya əməl etmədiyi hər bir halda onların cəzalandırılması aktual olacaq. Ermənistan mediası da qeyd edir ki, sülh müqaviləsinin imzalanması ilə bağlı şans itirilib".

Aytəkin Cəlali

Telegramda izləyin

instagramda izləyin