"Regionların inkişafı hər zaman cənab İlham Əliyevin diqqət mərkəzində olub" - Deputat

İstiqamət: Regionların sosial-iqtisadi inkişafının təşviq edilməsi

"Bildiyimiz kimi, artıq 2004-cü ildən ölkə Prezidenti cənab İlham Əliyevin sərəncamları ilə regionların sosial iqtisadi inkişafı istiqamətində dövlət proqamları qəbul olunur. Artıq 4-cü dövlət proqramının icrası həyata keçirilir".

Bu sözləri Sonxeber.az-a açıqlamasında deputat Cavid Osmanov deyib.

O bildirib ki, dövlət proqramlarının icrası nəticəsində hər bir bölgəmizdə inkişafın şahidi oluruq:

"2004-cü ildən başlanan regionların sosial-iqtisadi inkişafı üzrə dövlət proqramınının icrası nəticəsində ölkəmizdə milyonlarla iş yeri açılıb, insanların məşğulluğu təmin edilib, qeyri-neft sektorunun inkişafı istiqamətində vacib addımlar atılıb. Dünən ölkə Prezidenti cənab İlham Əliyevin qərb bölgəsinə səfərləri çərçivəsində bir daha gördük ki, regionlarımızın hər bir bölgəsinin, xüsusən də qeyri-neft sektorunun inkişafı istiqamətində mühüm addımlar atılır. Regionların sosial-iqtisadi inkişafı hər zaman ölkə Prezidenti cənab İlham Əliyevin diqqət mərkəzində olub.

Bu günlərdə elə Prezidentin fərmanı ilə təsdiq olunan yeni iqtisadi zonaların bölgüsü də açıq şəkildə göstərir ki, artıq işğaldan azad olunmuş ərazilərimizin də iqtisadi zona kimi inkişafı yeni bölgüdə öz yerini tapıb. Buraya Qarabağ iqtisadi zonası, o cümlədən, Şərqi Zəngəzur iqtisadi zonasını əlavə edə bilərik. Ölkəmizdə sənayenin, kənd təsərrüfatının, istehsal sahələrinin inkişafı yalnız qeyri-neft sektorunun inkişafına töhfə vermir, həmçinin idxalın azalmasının da qarşısını alır.

Beləliklə, Azərbaycan artıq idxal edən ölkədən daha çox, ixrac edən ölkəyə çevrilməkdədir. Bu, vacib amildir ki, sayəsində ölkədə çox sayda müəssisələr açılır, insanlar iş yerləri ilə təmin olunurlar, iqtisadi inkişaf artır, ölkədən valyutanın çıxmasının qarşısı alınır.

Ölkə başçısı cənab İlham Əliyevin bölgələrimizin inkişafını diqqət mərkəzində saxlaması, bir çox bölgələr üçün xarakterik sahələrin inkişafı, eyni zamanda innovativ tədbirlərin həyata keçirilməsi Azərbaycanın inkişafına böyük töhfə verir".
Yazı Medianın İnkişafı Agentliyinin maliyyə dəstəyi ilə hazırlanıb.

Aysel Səmədli

Telegramda izləyin

instagramda izləyin