"Vurulan hər hərbçimizə görə 10 erməni əsgəri öldürülməlidir" - Aqil Abbas
Xəbər verdiyimiz kimi, dünəndən Kəlbəcər və Zəngəzur istiqamətində Ermənistan tərəfi atəşkəsi pozaraq bir hərbçimizi vurduqdan sonra atışma başlayıb. Ermənistan tərəfi imzalanan bütün bəyanatları heçə sayır və dayanmadan atəşkəsi pozur. Dünən bir əsgərimizin şəhid olması isə bardağı daşıran son damla oldu. Bəs bunun cavabı sadəcə cavab atəşinin açılması ilə bitəcəkmi? Antiterror əməliyyatları nə zaman başlayacaq?
Məsələ ilə bağlı Sonxeber.az-a açıqlama verən millət vəkili Aqil Abbas bildirib ki, Azərbaycanın vurulan bir hərbçisinə görə erməninin ən azı 10 əsgəri vurulmalıdır:
"Mən hər zaman deyirəm ki, Azərbaycanın vurulan hər bir əsgərinə görə erməninin ən azı 10 əsgəri öldürülməlidir. Biz dövlət sərhədlərini tanıdığımıza görə Ermənistan ərazilərinə girmirik. Amma oradan atılan atəşə yerində cavab verilməli və dağıdılmalıdır. Daha da irəli getsələr, mütləq şəkildə antiterror əməliyyatlarına başlanılacaq.
Şuşaya getmək üçün Ağdam-Xankəndi yolundan istifadə edirik. Biz Ağdam-Xankəndi-Şuşa yolunu açmalıyıq. Ağdamla Şuşa arası məsafə 37 kilometrdir. Xankəndindən Ermənistan sərhəddinə isə təxminən 90 kilometrdir. Biz nəyə görə bu qədər əziyyət çəkib daha uzun məsafə fırlanmalıyıq? Sülhməramlılar ora niyə gəlib axı?! Gəzməyə ya qayda-qanun yaratmağa?! Mən başa düşə bilmirəm. Gəzməyə gəliblərsə, desinlər, biz işimizi bilək. Həm erməniləri müdafiə edirlər, həm də atəş açılmasına şərait yaradırlar".
Aytəkin Cəlali
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş