"Ordumuz şəhidimizin qanını yerdə qoymadı və intiqamını artıqlaması ilə aldı" - DEPUTAT
Xəbər verdiyimiz kimi, iyulun 23-ü, saat 16:00 radələrində Ermənistan silahlı qüvvələrinin bölmələri Basarkeçər rayonu ərazisindəki mövqelərindən Azərbaycan Ordusunun Ermənistan-Azərbaycan dövlət sərhədinin Kəlbəcər rayonu sahəsindəki mövqelərini atəşə tutub. Qarşı tərəfdən açılan snayper atəşi nəticəsində hərbi qulluqçumuz, gizir Yaqublu Fərman Telman oğlu şəhid olub.
Bununla bağlı Sonxeber.az-a danışan deputat Nəsib Məhəməliyev bildirib ki, Kəlbəcər rayonu ərazisində sərhəddə baş vermiş atışma ermənilərin növbəti təxribatıdır:
"Ermənistanın növbəti təxribatı nəticəsində hərbçimiz şəhid oldu. Şəhidimizə Allahdan rərmət diləyirəm. İlk olaraq qeyd edim ki, ordumuz şəhidimizin qanını yerdə qoymadı və intiqamını artıqlaması ilə aldı. Son dövrlərin dinamikasını təhlil etdikdə görünür ki, Ermənistan sülh müqaviləsini bağlamaqda maraqlı deyil. Paşinyanın irəli sürdüyü şərtlər, konkret olaraq Sovet dönəmində mövcud olmuş sərhədlərdən geri çəkilmə, Qarabağın statusu və danışıqlar prosesinin Minsk qrupu çərçivəsində davam etdirilməsi qəbuledilməzdir.
Eyni zamanda, xarici qüvvələrin təsiri altında Zəngəzur dəhlizinin açılmasına maneçilik törədilir. Əvəzində Rusiyaya və İrana birbaşa çıxış tələb edirlər. Bu tipli tələbləri məğlub ölkə deyil, qalib ölkələr irəli sürə bilər. Ermənistanın belə ərköyün davranışlarına rəvac verən qüvvələr Avropa İttifaqı, Fransa və bir sıra dövlətlərin ikili standartlara əsaslanan siyasətidir. Azərbaycan Prezidenti İlham Əliyev bölgə ilə bağlı məsələlərin siyasi, iqtisadi aspektlərini açıqlayaraq bəyan etdi ki, "status" olmayacaq, Sovet dövründə rəsmən təsdiq olunmuş inzibati sərhədlər dövlət sərhədi kimi təsdiq olunmalı, Zəngəzur dəhlizi açılmalıdır. Kim 25 minlik erməni əhalisi üçün "status" tələb edirsə, öz ölkələrində verə bilər".
Deputat vurğulayıb ki, sərhəddə yeni təxribatların olacağı şübhəsizdir:
"Hərb meydanında əldə olunmuş nəticə diplomatik səviyyədə təsdiq olunmalıdır. Tam sabitliyin bərpa olunması üçün Ermənistan tərəfi mövcud reallıqları qəbul etməli, 10 noyabr və 11 yanvar razılaşmalarını icra etməlidir".
Aysel Yusifqızı
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş