Bunları etdi və 21 kilo ARIQLAYIB BELƏ OLDU - FOTO

Hindistanın 43 yaşlı sakini Keyuri Kapadiya 21 kiloqram arıqlamağının sirrini açıb.

Sonxeber.az BiG.AZ-a istinadən xəbər verir ki, bu barədə o, "The Times of India"ya danışıb.

Belə ki, 1.65 metr boyu olan Kapadiyanın çəkisi əvvəllər 81 kiloqram olub. O, adi ev işləri görməkdə, hətta yeriməkdə çətinlik çəkib. Lakin xizək sürmək istədiyi zaman 100 metr də keçə bilmədikdə artıq nələrisə dəyişmək lazım olduğunu anlayıb.

O, sağlam qidalanmağa və idmanla məşğul olmağa başlayıb.

Hazırda Keyurinin səhər yeməyi tərəvəz suyu, çovdar çörəyi və yumurtanın ağından ibarətdir. Naharda o, lobya və düyüdən hazırlanan hind yeməyi və duzsuz çörəklə tərəvəz yeyir.

Məşqdən öncə qadın isti su ilə bir xörək qaşığı kokos yağı və qəhvə içir, idmandan sonra isə yumurtanın ağı ilə çovdar çörəyi yeyir. O, çox faydalı olmayan məhsullardan tamamilə imtina etmədiyini qeyd edir.

Capadia həftədə beş gün 1-1,5 saat məşq edir.

"Düşünürəm ki, hər gün eyni vaxtda qidalanmaq və cədvəl üzrə məşq etmək avtomatik olaraq bədəni rejimə salır və hər şey tez bir zamanda vərdişə çevrilir. Pəhrizə gəldikdə isə, rasionuma karbohidrat, lif və zülal daxil etməyə çalışıram. Pozitiv əhval ruhiyyə və nikbinlik də çox önəmlidir", - deyə Kapadiya vurğulayıb.

Qadının sözlərinə görə, oğlu onu dəstəkləyir və məşqləri buraxmağa imkan vermir:

"Onun dəstəyi və həvəsləndirici sözləri məni qarşımda dayanan hədəfə yönləndirir".

Telegramda izləyin

instagramda izləyin