Alimlər: "Koronavirusun daha təhlükəli variantı ortaya çıxa bilər"

"Koronavirusun daha təhlükəli variantlarının qarşısını almaq üçün peyvəndlənmə işi sürətləndirilməli, habelə pandemiya tam başa çatanadək maska taxmaq və digər təhlükəsizlik qaydalarına əməl edilməlidir".

Bu barədə Avstriya, İsveçrə, İspaniyadan olan tədqiqatçılar qrupunun "Scientific Reports"da dərc edilən araşdırmasında qeyd olunub. Bildirilir ki, SARS-CoV-2 virusunun 3 il ərzində inkişaf etməsini əks etdirən model tərtib olunub.

Tədqiqatın nəticəsinə görə, peyvənlənmənin sürətli tətbiqi dayanıqlı ştamların ortaya çıxma ehtimalını azaldır.

Bununla yanaşı o da qeyd olunur ki, peyvənd olunduqda belə, maska taxmaq, sosial məsafə saxlamaq kimi qaydalara qarşı səhlənkarlıq etmək olmaz, çünki bu zaman digər ştamların ortaya çıxması ehtimalı xeyli artır.

O da qeyd olunub ki, məhdudiyyətlərə pandemiya tam başa çatanadək ciddi əməl olunmalıdır.

///Report

Telegramda izləyin

instagramda izləyin