"ABŞ, Fransa birləşməsinin Qafqazda Ermənistanı dəstəkləyəcəyi fikri nağıldır" - AÇIQLAMA

"Biz indi hansısa problemdən danışmırıq. Müharibə 10 noyabrdan bitib və tərəflər arasında öhdəliklərdən ibarət müqavilə bağlanılıb".

Bu sözləri Sonxeber.az-a açıqlama verən Sosial Tədqiqatlar Mərkəzinin Mətbuat Xidmətinin rəhbəri, beynəlxalq məsələlər üzrə mütəxəssis Əziz Əlibəyli deyib.

O bildirib ki, öhdəliklərin götürülməsi Ermənistan üçün kapitulyasiyadır:

"İndi baş verənlər tanıma əməliyyatlarıdır və Azərbaycan tərəfi yeni postlarda qərarlaşıb. Ermənistan tərəfi onilliklər boyunca Azərbaycan ərazilərini kənd təssərüfatı, yaylaq, otlaq məqsədi ilə istifadə ediblər. Həmin ərazilər SSRİ dövründə də qeyri-rəsmi şəkildə ermənilərin istifadəsində olub. Bu gün isə o dəqiqləşdirmələrin aparılması Ermənistan hakimiyyəti üçün çox ciddi şəkildə problemlər meydana çıxarıb. Bu problemlərin də kökündə dayanan yeni ərazi xəritəsinin Ermənistan tərəfinə, Ermənistan xalqına qəbul etdirmək məsələsidir. Paşinyan bu məsələni anladığına görə, öz xalqına mesaj vermək istəyir ki, Ermənistan hakimiyyətinin faktiki olaraq hərbi gücü imkan vermir ki, Azərbaycan qarşısında tab gətirsin. Paşinyan demək istəyir ki, çalışırlar hərbi prizmada Azərbaycana cavab versinlər. Ermənistan hakimiyyəti ritorikanı gücləndirərək üstümüzə gəlmək istəyir.

Paşinyanın rəqibləri revanşistlər, ordunu idarə edən şəxslərdir. Həmin şəxslərin çoxu Qarabğlıdır, keçmiş hakimiyyətin törtöküntüləridir. Bu adamlar Rusiya ilə çox geniş əlaqələrə malikdirlər.

Rusiya kommunikasiya xətlərinin açılmasında maraqlıdır ki, pulunu qazansın və Ermənistan kimi yükdən qurtulsun. Ermənistan tərəfi Fransanın bölgəyə gəlməsini istəsə də, bilməlidir ki, Rusiya olan bölgəyə Fransa gələ bilməz. Bu, Rusiya və Türkiyənin Qafqazdakı siyasətinə ziddir. Ermənistan tərəfinin etdiyi təxribatlar Fransa və BMT tərəfindən dəstəklənir. Rusiya və BMT-nin maraqları dünyanın istənilən nöqtəsində toqquşur. Bu toqquşma isə heç bir halda Cənubi Qafqazda baş verməyəcək. Rusiya, Türkiyə və İranın maraq dairəsində olan Cənubi Qafqazda ABŞ, Fransa birləşməsinin Qafqazda Ermənistanı dəstəkləyəcəyi fikri nağıldır".

Aytəkin Cəlali

Telegramda izləyin

instagramda izləyin