İki uşaq atası 34 yaşında "ANA" OLDU, lakin ailəsi dağılmadı - FOTO

Kanadanın Ontario şəhərindən olan iki uşaq atası Tea-Linn Van Dayk 34 yaşında özünü "qadın" kimi hiss etdiyini iddia edərək cinsiyyətini dəyişib. Lakin, buna baxmayaraq, ailəsi dağılmayıb, çünki həyat yoldaşı Qabriel Van Dayk onu hələ də sevdiyini və ayrılmaq istəmədiyini bildirib.
Sonxeber.az BiG.AZ-a istinadən xəbər verir ki, bu barədə "Daily Mail" yazır.

Belə ki, Tea-Linn həyat yoldaşına və iki qızına özünü qadın kimi hiss etdiyini etiraf edib. Kiçik qızı, 6 yaşlı Adelaida bu qərarı dərhal qəbul etsə də, 7 yaşlı Aryanın dəyişikliklərlə qəbullanmağı iki həftə çəkib.
Qabriel isə olanlara təəccüblənmədiyini deyib:

"Tea-Linn bəzən mənim paltarlarımı geyinirdi, ona görə bu xəbər məni şoka salmadı. Mən bunun nə ilə sonlanacağına baxmaq qərarına gəldim".
Tea-Linn 2020-ci ilin aprel ayında həkim və psixoterapevtlə hisslərini bölüşdükdən sonra cinsiyyətini dəyişməyə başlayaraq ailə və dostlarına qərarını açıqlayıb.
"Qərarmı qəbul etməyən bəzi qohum və dostlarımla əlaqəni kəsməli olsam da, ümumilikdə bu keçidim sevgi və dəstəklə qarşılandı. Buna görə də bütün yaxınlarıma minnətdaram", - deyə Tea-Linn hisslərini ifadə edib.

Qabriel onu hələ də sevdiyini və görünüşündən asılı olmayaraq, ayrılmaq istəmədiyini bildirib.

Telegramda izləyin

instagramda izləyin